غزہ میں عید کے روزبھی اسرائیلی حملے، مزید31 فلسطینی شہید

غزہ / مقبوضہ بیت المقدس: غزہ سمیت مقبوضہ فلسطین میں عید کے دن بھی اسرائیلی دہشت گردی جاری رہی جس کے نتیجے میں مزید 31 فلسطینی شہید ہوگئے جس کے نتیجے میں شہداء کی تعداد 87 ہوگئی۔

الجزیرہ کے مطابق اسرائیلی جنگی طیاروں نے غزہ میں 6 منزلہ عمارت سمیت رہائشی عمارتوں پر بھی میزائل حملے کیے۔ جمعرات کی صبح جب فلسطینی شہری نماز عید کی ادائیگی کے لیے گھروں سے روانہ ہوئے تو آسمان پر صہیونی جنگی طیاروں کی گھن گرج سنائی دی اور سفاک دہشت گردوں نے نہتے لوگوں کو اپنے میزائلز کے نشانے پر رکھ لیا۔

Israeli fighter jets have attacked high-rise buildings and other targets in #Gaza as Palestinians in the besieged enclave woke up on Thursday to mark the #EidAlFitr religious holiday under relentless aerial bombardment.https://t.co/YPx5Xlwqvp pic.twitter.com/RSW8YCBge9 @SAfmnews

— Riyaad Dhai (@DhaiRiyaad) May 13, 2021

غزہ میں فلسطینی حکام کے مطابق اب تک 87 افراد شہید ہوچکے ہیں جن میں 18 بچے اور 8 خواتین شامل ہیں جبکہ 530 افراد زخمی ہیں جن میں سے متعدد کی حالت تشویش ناک ہے اور شہدا کی تعداد میں اضافے کا خدشہ ہے۔ اس کے علاوہ گھر اور عمارتیں تباہ ہونے سے ہزاروں افراد بے گھر ہو چکے ہیں۔

یہ بھی پڑھیں: اسرائیل کی غزہ پر دوسرے روز بھی بمباری، شہید ہونے والوں کی تعداد 56 ہوگئی

غزہ میں فلسطینی ڈاکٹرز نے بتایا ہے کہ اسرائیل کی جانب سے گزشتہ شب حملوں میں زہریلی گیس بھی استعمال کیے جانے کا شبہ ہے، شہدا کے جسد خاکی سے نمونے حاصل کر لیے گئے ہیں جن کا معائنہ جاری ہے۔ اس کے باوجود آہوں اور سسکیوں میں سیکڑوں فلسطینیوں نے مسجد اقصیٰ کے احاطے میں نماز عید ادا کی۔

ادھر حماس نے جوابی کارروائی کرتے ہوئے اسرائیل پر راکٹ حملے کیے جس کے نتیجے میں 6 یہودی ہلاک ہوگئے۔ اسرائیل کے اندر بھی مسلمانوں اور یہودیوں کے درمیان شدید کشیدگی ہے اور جگہ جگہ جھڑپیں ہوئیں جس کے بعد قابض فورسز نے کریک ڈاؤن کرتے ہوئے 374 فلسطینی مسلمانوں کو گرفتار کرلیا جبکہ جھڑپوں میں درجنوں پولیس اہلکار بھی زخمی ہوئے۔

“This is a crime. They were civilians.”

Palestinian health officials say three Palestinians were killed when a car was hit by an Israeli air raid in Gaza City on Wednesday. pic.twitter.com/5b6tZNw1Fv

— Al Jazeera English (@AJEnglish) May 13, 2021

اسرائیلی وزیراعظم نتن یاہو نے ملک میں فلسطینی مظاہرین کو کچلنے کے لیے پولیس کی مدد کےلیے فوج طلب کرنے کا اشارہ دے دیا ہے۔ نتن یاہو نے غزہ کی سرحد پر اسرائیلی افواج کو جمع کرنے کا حکم بھی دے دیا ہے جس کے باعث غزہ میں ایک بار پھر اسرائیلی فوجی حملے اور بڑے پیمانے پر خونریزی کا خطرہ ہے۔