صوبوں کو تعلیمی اداروں کی 23 مئی تک بندش کو یقینی بنانے کی ہدایت

ویب ڈیسک  جمعـء 14 مئ 2021
این سی او سی کے احکامات کی روشنی میں تعلیمی ادارے 17 سے 23 تک بند رہیں گے، مراسلہ فوٹو: فائل

این سی او سی کے احکامات کی روشنی میں تعلیمی ادارے 17 سے 23 تک بند رہیں گے، مراسلہ فوٹو: فائل

 اسلام آباد: کورونا کی تیسری لہر کے پیش نظر وفاقی وزارت تعلیم نے ملک بھر میں تعلیمی اداروں کی 23 مئی تک بندش کو یقینی بنانے کے لیے صوبوں کو مراسلہ بھجوادیا۔

ایکسپریس نیوز کے مطابق وفاقی وزارت تعلیم نے تمام صوبوں، آزاد کشمیر حکومت اور گلگت بلتستان کو مراسلہ بھجوادیا ہے جس میں کہا گیا یے کہ کورونا کی تیسری لہر کے پیش نظر این سی او سی کے احکامات کی روشنی میں تمام تعلیمی ادارے 17 سے 23 تک بند رہیں گے۔

مراسلے میں کہا گیا ہے کہ فیصلے کا اطلاق سرکاری و نجی تعلیمی ادارے، مدارس، ووکیشنل اور ٹیکنیکل تعلیمی اداروں پر بھی ہو گا،متعلقہ ادارے تعلیمی اداروں کی بندش سے متعلق احکامات پر عملدر آمد یقینی بنائیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔