سمندری طوفان ’’توکتے‘‘ نے بھارت میں تباہی مچادی، 4 افراد ہلاک

کیرالہ: سمندری طوفان ’’توکتے‘‘ بھارتی ریاست کیرالہ سے ٹکرا گیا جس کے نتیجے میں 4 افراد ہلاک ہوگئے۔

بھارتی میڈیا کے مطابق سمندری طوفان ’’توکتے‘‘ نے ریاست کیرالہ میں شدید تباہی مچادی ہے جس کے باعث 4 افراد ہلاک اور متعدد زخمی ہوچکے ہیں جب کہ ہزاروں افراد نقل مکانی پر مجبور ہیں، کیرالہ کے ساحلی علاقوں میں طوفان کی وجہ سے موسلا دھار بارشوں کا سلسلہ جاری ہے جب کہ تیز ہواؤں کے باعث متعدد گھروں کو چھتیں بھی اڑ گئی ہیں۔

Cyclone Tauktae hit coastal parts of Goa. Visuals from Panaji pic.twitter.com/qPGI0CnUjS

— ANI (@ANI) May 16, 2021

بھارتی محکمہ موسمیات کے مطابق سمندری طوفان ’’توکتے‘‘ بھارتی ریاست گجرات کی طرف بڑھ رہاہے، سمندری طوفان زور پکڑ رہا ہے جس کی وجہ سے 6 ریاستیں متاثر ہونے کا خدشہ ہے جن میں کیرالہ، کرناٹکا، تامل ناڈو، گجرات، مہاراشٹرا  اور گوا شامل ہیں۔