وزیراعلی پنجاب کےہیلی کاپٹرکی ہنگامی لینڈنگ

ویب ڈیسک  جمعرات 10 جون 2021
ہنگامی لینڈنگ کی وجہ خراب موسم کو بتایا جا رہا ہے۔(فوٹو:فائل)

ہنگامی لینڈنگ کی وجہ خراب موسم کو بتایا جا رہا ہے۔(فوٹو:فائل)

 لاہور: وزیر اعلی پنجاب کےہیلی کاپٹر نے  گڑھی شاہو کے ریلوے اسٹیڈیم پر ہنگامی لینڈنگ کی ہے۔ 

ایکسپریس نیوز کے مطابق وزیراعلی پنجاب سردارعثمان بزدار کے ہیلی کاپٹر نے  آندھی کے باعث گڑھی شاہو ریلوےاسٹیڈیم میں ہنگامی لینڈنگ کی ہے۔ وزیر اعلی پنجاب اسلام آباد سے لاہو ر واپس آرہے تھے اور ان کے ہیلی کاپٹر کو لاہور کے پرانے ہوائی اڈے پر لینڈنگ کرنا تھی۔

وزیر اعلی پنجاب نے لینڈنگ کے بعد اپنے بیان میں کہا ہے کہ اللہ تعالی کے فضل و کرم اور عوام کی دعاوں سے میں اور تمام عملہ خیریت سے ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔