- کراچی؛ نامعلوم مسلح ملزمان کی فائرنگ سے 7بچوں کا باپ جاں بحق
- پاک بھارت ٹیسٹ سیریز؛ روہت شرما نے دلچسپی ظاہر کردی
- وزیرخزانہ کی امریکی حکام سے ملاقات، نجکاری سمیت دیگرامورپرتبادلہ خیال
- ٹیکس تنازعات کے سبب وفاقی حکومت کے کئی ہزار ارب روپے پھنس گئے
- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
ہرن کا بچہ اپنے ’’محسن کتے‘‘ کا شکریہ ادا کرنے گھر پہنچ گیا
ورجینیا: ایک کتے نے تالاب میں ڈوبتے ہوئے ہرن کے بچے کی جان بچائی اور اسے زندہ سلامت خشکی پر لے آیا۔ چند دن بعد ہرن کا بچہ اپنی جان بچانے والے کتے کا شکریہ ادا کرنے اس کے گھر پہنچ گیا۔
اگر آپ کو یہ کسی کہانی کا پلاٹ محسوس ہورہا ہے تو اپنی غلط فہمی دور کرلیجیے کیونکہ یہ گزشتہ دنوں سوشل میڈیا پر مقبول ہونے والا ایک سچا واقعہ ہے جو فیس بُک صارف رالف ڈارن نے تصاویر اور ویڈیوز سمیت پوسٹ کیا ہے۔
امریکی ریاست ورجینیا کے ایک دور افتادہ علاقے کے رہائشی رالف ڈارن نے اپنی پوسٹ میں لکھا کہ ان کا پالتو کتا ’’ہارلے‘‘ ایک دن غائب ہوگیا اور بہت دیر تک نہیں ملا۔
اسے ڈھونڈتے ہوئے وہ قریبی جنگل کی طرف چلے گئے جہاں ایک تالاب میں انہیں ’’ہارلے‘‘ تیرتا ہوا نظر آیا۔ جب غور سے دیکھا تو معلوم ہوا کہ اس نے اپنے جبڑے میں ہرن کے ایک چھوٹے سے بچے کو پکڑا ہوا ہے اور تیرتا ہوا تالاب کے کنارے کی سمت بڑھ رہا ہے۔
ڈارن نے یہ سارا منظر تصویروں اور ویڈیوز کی شکل میں محفوظ کرنا شروع کردیا۔
کچھ ہی دیر بعد ہارلے اس ہرن کے بچے کو کنارے پر لے آیا اور خشکی پر چھوڑ کر زبان سے چاٹا، جیسے کہ اسے پیار کررہا ہو۔
اس کے بعد ہرن کا بچہ بھاگتا ہوا درختوں میں کہیں غائب ہوگیا اور ڈارن اپنے کتے کو لے کر گھر واپس آگئے۔
چند دن بعد وہ گھر میں تھے کہ انہوں نے ہارلے کو بے چین ہو کر ایک سے دوسری کھڑکی تک جاتے ہوئے دیکھا، جیسے وہ گھر سے باہر جانا چاہ رہا ہو۔
ڈارن نے دروازہ کھولا تو ہارلے دوڑتا ہوا درختوں کی طرف چلا گیا جہاں سے کسی چھوٹے جانور کے ممیانے کی آوازیں آرہی تھیں۔ ڈارن بھی اپنا موبائل فون لے کر اس کے پیچھے پیچھے چل دیئے۔
درختوں کے قریب ہرن کا وہی بچہ موجود تھا جسے ہارلے نے کچھ روز پہلے ڈوبنے سے بچایا تھا۔
ہارلے کو دیکھتے ہی ہرن کا بچہ اس کے پاس دوڑا آیا اور اپنی چھوٹی سی زبان نکال کر ہارلے کو چاٹنے لگا۔ ہارلے نے گردن جھکائی تو ہرن کا بچہ اپنی ننھی سی تھوتھنی اس کی ناک سے رگڑنے لگا، جیسے اس کا شکریہ ادا کررہا ہو۔
ہرن کا بچہ کچھ دیر اپنے ’’محسن کتے‘‘ کے ساتھ رہا اور پھر جنگل میں واپس چلا گیا۔ دوسری طرف ہارلے بھی سکون میں آگیا اور ڈارن کے ساتھ گھر واپس آگیا۔
یہ مناظر بھی ڈارن نے اپنے موبائل کیمرے میں محفوظ کرلیے اور اپنے فیس بک اکاؤنٹ پر پوسٹ کردیئے۔
اس پوسٹ کو اب تک ڈھائی لاکھ سے زیادہ مرتبہ شیئر کرایا جاچکا ہے اور سوشل میڈیا صارفین نے جانوروں میں ایسی غیرمعمولی محبت اور شکر گزاری کے انداز کو خوب سراہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔