10 بچوں کی پیدائش کا ڈرامہ رچانے والی خاتون گرفتار

ویب ڈیسک  ہفتہ 19 جون 2021
خاتون نے بچوں کی پیدائش سے متعلق جھوٹ بولا تھا، وہ حاملہ ہی نہیں ہوئی تھیں، خبررساں ادارہ

خاتون نے بچوں کی پیدائش سے متعلق جھوٹ بولا تھا، وہ حاملہ ہی نہیں ہوئی تھیں، خبررساں ادارہ

کیپ ٹاؤن: جنوبی افریقا کی پولیس نے 10 بچوں کی پیدائش کا ڈرامہ رچانے والی خاتون کو گرفتار کرلیا۔

چند روز قبل عالمی میڈیا میں جنوبی افریقا کی 37 سالہ خاتون نے اس وقت جگہ بنائی جب ان کے حوالے سے یہ مشہور ہوا کہ انہوں نے بیک وقت 10 بچے پیدا کرکے گنیز بک آف ورلڈ ریکارڈ میں اپنا نام درج کرالیا ہے، نیوز رپورٹس کے مطابق 37 سالہ گوسیامے تھامارا نے نارمل ڈیلیوری سے 10 بچوں کو جنم دیا جس میں 7 لڑکے اور 3 لڑکیاں شامل ہیں تاہم واقعہ کی تحقیقات کرنے پر پتہ چلا کے خاتون نے جھوٹ بولا تھا اور ان کے ہاں کسی بچے کی پیدائش نہیں ہوئی ہے۔

اس خبر کو بھی پڑھیں : جنوبی افریقا میں خاتون کے یہاں 10 بچوں کی پیدائش، عالمی ریکارڈ قائم

خبررساں ادارے کے مطابق خاتون نے بچوں کی پیدائش سے متعلق جھوٹ بولا تھا، گوسیامے تھامارا نفسیاتی مریض ہیں جنہیں علاج کے لیے اسپتال لایا گیا تھا جب کہ وہ حاملہ بھی نہیں ہوئی تھیں لہذا اب انہیں جھوٹ اور فراڈ کے الزام میں گرفتار کرلیا گیا ہے۔

دوسری جانب جنوبی افریقی حکام نے دس بچوں کی پیدائش کی سختی سے تردید کرتے ہوئے کہا ہے کہ یہاں کسی بھی خاتون نے جڑواں بچوں کو جنم نہیں دیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔