سعودی عرب نے حوثی باغیوں کے 17 ڈرون حملوں کو ناکام بنادیا

ریاض: عرب اتحادی افواج نے کارروائی کے دوران حوثی باغیوں کے 17 ڈرون حملوں کو ناکام بنادیا۔

عرب میڈیا کے مطابق حوثی باغیوں کی جانب سے گزشتہ 24 گھنٹوں کے دوران سعودی عرب کے مختلف شہروں پر 17 ڈرونز سے حملہ کی کوشش کی گئی تاہم عرب اتحادی افواج کی کارروائی کے باعث تمام ڈرونز کو فضا میں ہی تباہ کردیا گیا۔

المتحدث الرسمي باسم الجيش اليمني العميد عبد مجلي: الدفاعات #السعودية تسقط 11 مسيرة أطلقها الحوثيون باتجاه المملكة.. والميليشيا تقصف المناطق المدنية في #مأرب بالصواريخ الباليستية#العربية pic.twitter.com/ZHD5bM7U3v

— العربية (@AlArabiya) June 19, 2021

عرب اتحادی افواج کی جانب سے جاری بیان میں کہا گیا ہے کہ حوثی باغیوں نے شہر خمیس مشیط پر تقریباً 11 ڈرونز سے حملہ کیا جن کو فضا میں ہی تباہ کردیا گیا جب کہ 6 کے قریب ڈرونز کو شہر نجران پر حملہ کی کوشش کے دوران تباہ کیا گیا۔

واضح رہے کہ حوثی باغیوں کی جانب سے یمن کی سرحد سے سعودی عرب کے شہروں کو میزائل اور بمبار ڈرونز سے متعدد بار نشانہ بنانے کی کوشش کی جاتی ہے تاہم گزشتہ کئی ماہ سے ان حملوں میں تیزی دیکھنے میں آئیں ہے جب کہ سعودی اتحادی افواج نے ان حملوں کو فضا میں ہی ناکام بنایا ہے۔