- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
کوروناوبامیں کمی؛ پنجاب میں سکھوں اور ہندوؤں کے مقدس مقامات کی مرمت کا کام تیز
لاہور: پاکستان میں کورونا کی وجہ سے سکھوں اور ہندوؤں کے مقدس مقامات کی بحالی کا کام متاثرہوا تھا جسے متروکہ وقف املاک بورڈ کے چیئرمین ڈاکٹرعامراحمد کی ہدایت پر اب دوبارہ شروع کردیا گیا ہے۔
چکوال میں واقع کٹاس راج میں ہندؤں کے کئی قدیم مندرہیں ،کٹاس راج کمپلیکس کاانتظام گزشتہ ماہ مئی میں محکمہ آثارقدیمہ نے متروکہ وقف املاک بورڈ کے حوالے کیا ہے جس کے بعد یہاں مختلف جگہوں کی بحالی،آرائش وتزئین کاکام تیزی سے مکمل کیا جارہا ہے۔
متروکہ وقف املاک بورڈ کے ڈپٹی سیکرٹری سید فراز عباس نے بتایا کہ وسیع وعریض رقبے پر پھیلے مندروں کی صفائی کی گئی ہیں اوریہاں اگی جھاڑیاں ختم کردی گئی ہیں۔ مندروں میں ہندو عقیدے کے مطابق مختلف مورتیاں رکھی گئی ہیں۔ اسی طرح یہاں مندروں کے نئے دروزاے لگائے گئے ہیں، مقدس تالاب کی صفائی کی گئی ہے، یہاں ہندوپانڈوؤں سے منسوب کنواں اورقدیم غاریں ہیں ان کوصاف کرکے سیاحوں کے لئے کھولاگیاہے۔ اسی طرح موٹروے سے کٹاس راج تک معلوماتی بورڈلگادیئے گئے ہیں۔ انہوں نے بتایا کہ یہ جگہ اب ناصرف دنیابھرمیں بسنے والے ہندؤں بلکہ سیاحوں کی دلچسپی کا مرکز بنے گی۔
سید فرازعباس نے یہ بھی بتایا کہ سیالکوٹ میں ہندوسنگتوں اورسیالکوٹ کی مقامی انتظامیہ کے تعاون سے شوالہ تیجامندرکی بحالی کاپہلامرحلہ مکمل ہوگیاہے جس کے تحت یہاں بیرونی چاردیواری، دروازے، مندرکے اطراف میں پارک بنایاگیاہے، وزیٹرزکے لئے بینچ رکھے گئے ہیں ،واش رومزبنائے گئے جبکہ عمارت کورنگ وروغن کیاگیاہے اب دوسرے مرحلے میں مندر کے گنبدوں کی بحالی کا کام شروع ہونے جارہا ہے۔
سیالکوٹ کی تحصیل ڈسکہ کے علاقہ فتح بھنڈرمیں سکھوں کے بانی باباگورونانک سے منسوب گوردوارہ نانک سر کی بحالی اور آرائش وتزئین کے لئے سکھ سنگتوں کے حوالے کرنے کا فیصلہ کیا ہے۔ اسسٹنٹ کمشنر ڈسکہ بلال بن عبدالطیف نے بتایا کہ سکھوں کے اس مقدس گورودوارے کی بحالی اور آرائش وتزئین کا منصوبہ شروع کررہے ہیں ،گوردوارہ صاحب کی عمارت کوکافی نقصان پہنچ چکا ہے ہم نے اس کا نوٹس لیا ہے، اب سکھ برادری کی مشاورت سے اورمتروکہ وقف املاک بورڈ کی مدد سے اس گوردوارے کوبحال کیا جائے گا، اس کی آرائش وتزئین ہوگی اوردیکھ بھال بھی کی جائے گی۔
متروکہ وقف املاک بورڈ کے ڈپٹی سیکرٹری شرائنز عمران گوندل نے بتایا کٹاس راج میں جہاں کئی ہندو مندر ہیں وہیں سکھ جرنیل سردار ہری سنگھ نلوا کی قدیم حویلی بھی ہے۔ اس حویلی کی آرائش وتزئین، مرمت کا کام جلدشروع ہوجائیگا۔ پاکستان سکھ گوردوارہ پربندھک کمیٹی اور متروکہ وقف املاک بورڈ مشترکہ طورپر اس تاریخی حویلی کی بحالی اورمرمت کا کام مکمل کریں گے، جہلم میں گوردوارہ چوا صاحب کی آرائش وتزئین اوربحالی کا کام بھی تیزی سے جاری ہے ۔ اس گورودارہ صاحب کی آرائش وتزئین کے لئے یوایس اے سے تعلق رکھنے والے سرداررنجیت ناگرا کی طرف سے بھی مدد کی جارہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔