- کامن ویلتھ گیمز، ارشد ندیم گولڈ میڈل حاصل کرنے میں کامیاب
- آٹھویں جماعت کے طالب علم نے حاضر دماغی سے ڈکیتی کی کوشش ناکام بنادی
- ملک بھر میں دو روز کے لیے موبائل سروس بند رکھنے کا فیصلہ
- پنجاب میں موٹر سائیکل کی ڈبل سواری پر پابندی عائد
- اسلامک گیمز: پاکستانی ٹیبل ٹینس کھلاڑی کوارٹر فائنل میں پہنچ گئے
- کیوبا میں تیل ذخیرہ کرنے والے ٹینکر پر آسمانی بجلی گرگئی، 1 ہلاک، 121 زخمی
- پاکستانی طالبعلموں نے زرعی شعبے کے لیے موسمیاتی اسٹیشن تیارکرلیا
- بلوچستان ہیلی کاپٹر حادثے اور شہدا کے خلاف پروپیگنڈا کرنے والوں کے خلاف تحقیقات کا آغاز
- پاکپتن سے خود کو ایس ایچ او ظاہر کرنے والا نوسرباز گرفتار
- کراچی میں ہندو نوجوان کی درخت سے لکٹی ہوئی لاش برآمد
- فارن فنڈنگ میں اب پی ٹی آئی کے کسی جواب کی ضرورت نہیں، وزیر اطلاعات
- یزیدی حکومت سے نمٹنے کے لیے 13 اگست کو لائحہ عمل کا اعلان کروں گا، عمران خان
- راولپنڈی: کنویں میں گرنے والی بھینس کو کئی گھنٹوں بعد باحفاظت نکال لیا گیا
- نوجوان نسل عمران خان کے بہکاوے میں نہ آئے، شرجیل انعام میمن
- پسند کی شادی کی خواہش؛باپ نے بیٹی کے قتل کیلیے ایک لاکھ روپے سپاری دیدی
- لاہور: اغوا کا ڈرامہ رچاکر والدین سے 5 لاکھ روپے تاوان مانگنے والا 14 سالہ لڑکا گرفتار
- بنگلادیش؛ پٹرولیم مصنوعات میں 52 فیصد اضافے پر ہنگامے پھوٹ پڑے
- شہدا کا تمسخر اڑانے والوں کا احتساب ضروری ہے، وزیر اعظم
- راولپنڈی میں دو ملزمان کی گھر میں گھس کر خاتون سے زیادتی
- اسرائیل کی غزہ پر وحشیانہ بمباری؛ سلامتی کونسل نے اجلاس طلب کرلیا
کیا مچھلی کا تیل ڈپریشن سے بھی بچاتا ہے؟

روزانہ مچھلی کے تیل کی معمولی مقدار استعمال کرنے والے مریضوں کے ڈپریشن میں نمایاں کمی دیکھی گئی۔ (فوٹو: انٹرنیٹ)
لندن: مچھلی اور مچھلی کے تیل کو عام طور پر دل کےلیے مفید قرار دیا جاتا ہے لیکن اب ایک نئے مطالعے سے معلوم ہوا ہے کہ مچھلی کے تیل سے ڈپریشن کم کرنے میں بھی مدد ملتی ہے۔
کنگز کالج لندن میں الیساندرا بورسینی اور ان کے ساتھیوں نے دریافت کیا ہے کہ روغنی مچھلی کے تیل میں شامل ’’اومیگا 3‘‘ فیٹی ایسڈ کی دو اقسام (جنہیں بالترتیب ’’ای پی اے‘‘ اور ’’ڈی ایچ اے‘‘ کہا جاتا ہے) ڈپریشن کم کرنے میں واقعتاً بہت مؤثر و مفید ہیں۔
ابتدائی نوعیت کی یہ تحقیق شدید ڈپریشن کے 22 مریضوں پر کی گئی جس میں تمام مریضوں کو اومیگا 3 کی مذکورہ دونوں اقسام میں سے کوئی ایک، 12 ہفتوں تک روزانہ دی گئی۔ ای پی اے کی یومیہ خوراک 3 گرام جبکہ ڈی ایچ اے کی خوراک 1.4 گرام روزانہ رکھی گئی۔
ان کے اثرات جانچنے کےلیے مریضوں کے خون میں خوراک سے پہلے اور کچھ دیر بعد ان دونوں فیٹی ایسڈز کے ضمنی حاصلات (بائی پروڈکٹس) کی مقداریں معلوم کی گئی جبکہ ساتھ ہی ساتھ ان مریضوں میں ڈپریشن کی علامات بھی نوٹ کی گئیں۔
مطالعے کے اختتام پر پتا چلا کہ ’’ای پی اے‘‘ لینے والے مریضوں میں ڈپریشن کی علامات اوسطاً 64 فیصد، جبکہ ’’ڈی ایچ اے‘‘ لینے والوں میں 71 فیصد کم ہوگئیں۔ اس مطالعے میں تمام رضاکاروں کو فوڈ سپلیمنٹ کی شکل میں مچھلی کا تیل استعمال کروایا گیا۔
البتہ، ماہرین نے خبردار کیا ہے کہ اس تحقیق سے فیٹی ایسڈز اور ڈپریشن میں کمی کا آپس میں تعلق ہی سامنے آیا ہے لہذا مچھلی کے تیل کو ڈپریشن میں کمی کی وجہ نہ سمجھا جائے کیونکہ ابھی یہ ثابت کرنے کےلیے وسیع تر تحقیق کی ضرورت ہے۔
کنگز کالج کے ماہرین نے یہ بھی واضح کیا ہے کہ ڈی ایچ اے اور ای پی اے کی اتنی مقدار روزانہ روغنی مچھلی کھا کر حاصل نہیں کی جاسکتی اس لیے انہیں مجبوراً مچھلی کے تیل والا سپلیمنٹ استعمال کرنا پڑا۔
واضح رہے کہ اس سے پہلے بھی کچھ تحقیقات میں مچھلی کے استعمال سے ڈپریشن کم کرنے کے حوالے سے کچھ امید افزاء باتیں سامنے آئی تھیں۔ نئی تحقیق بھی ان ہی کے تسلسل میں کی گئی ہے۔
ریسرچ جرنل ’’مالیکیولر سائیکیاٹری‘‘ کے تازہ شمارے میں شائع شدہ اپنے تحقیقی مقالے میں بورسینی اور ان کے ساتھیوں نے بتایا ہے کہ ای پی اے/ ڈی ایچ اے کے دماغ پر اثرات کا معاملہ خاصا پیچیدہ ہے جسے سمجھ کر نفسیاتی علاج کی نئی راہیں ہموار کی جاسکیں گی۔
بتاتے چلیں کہ پاکستان میں میٹھے پانی کی ٹراؤٹ مچھلی کا شمار دنیا کی بہترین روغنی مچھلیوں میں ہوتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔