تازہ ترین

آنکھوں کی بناوٹ کھولے آپ کی شخصیت کے راز

محبت، نفرت، خوشی یا غم آنکھیں سب کچھ عیاں کردیتی ہیں، آنکھوں سے کسی کی بھی شخصیت کے بارے میں اندازہ لگایا جاسکتا ہے

ویب ڈیسک اتوار 27 جون 2021

محبت، نفرت، خوشی یا غم آنکھیں سب کچھ عیاں کردیتی ہیں

کراچی: نیلے آسمان پر ستاروں کے جھرمٹ میں چمکتا چاند، قوس قزح کے رنگوں میں نہاتا سورج یہ سب حسین نظارے آنکھ ہی سے دکھائی دیتے ہیں۔

آنکھیں انسانی جسم کا ایک ایسا حصہ ہیں جن کا ذکر طب سے زیادہ شعر و ادب کی کتابوں میں ملتا ہے۔ یہی آنکھیں بن کہے بہت کچھ کہہ جاتی ہیں، یہی آنکھیں ہمیں سب سے زیادہ دھوکا دیتی ہیں۔ ایک طرف صحرا میں چمکتے پانی کی جھلک دکھاتی ہیں، تو دوسری جانب نخلستان کو صحرا کے روپ میں پیش کرتی ہیں۔

محبت، نفرت، خوشی یا غم آنکھیں سب کچھ عیاں کردیتی ہیں۔ ہم کسی کی بھی آںکھوں کو دیکھ کر اس کی شخصیت کے بارے میں اندازہ لگاسکتے ہیں۔ آنکھوں کی رنگت کی طرح آنکھوں کی بناوٹ بھی آپ کی شخصیت کے رازعیاں کرتی ہے۔

بادامی آنکھیں

بادامی آنکھوں والے افرادعموما نرم دل اور مہربان شخصیت کے مالک ہوتے ہیں۔ آگر آپ کی آنکھیں بادامی ہیں تو پھر آپ محبت کرنے والے اور دوسری کی مدد کے لیے ہر وقت تیار رہتے ہوں گے۔ تاہم آپ کی شخصیت میں پراسراریت ہے جس سے لوگوں کو آپ کو سمجھنے میں مشکل پیش آسکتی ہے۔ آپ کو چاہیئے کہ چیزوں کو بہت زیادہ سنجیدگی سے نہ لیں، اور اکثر و بیشتر وقفہ لیتے رہیں۔

چھوٹی آنکھیں

کیا آپ کی آنکھیں چھوٹی ہیں؟ اگر ہاں تو پھر آپ خود پر زیادہ توجہ مرکوز کرتے ہیں۔ زندگی کے بارے میں آپ کا نقطہ نظر فیصلہ کن، تجزیاتی اور سنجیدہ ہے۔ کسی بھی گروپ میں آپ سے زیادہ اسمارٹ فرد ہوسکتے ہیں اور دیگر لوگ پیچیدہ مسائل کے حل کے لیے آپ سے رابطہ کرتے ہیں۔ کچھ لوگوں کے خیال میں آپ جذبات سے عاری شخص ہیں، لیکن محض ایک سچ سے زیادہ کچھ نہیں ہوسکتا۔

ابھری ہوئی آنکھیں

کہنے میں ’ ابھری ہوائی آنکھیں‘ صحیح نہیں لگتا، لیکن آپ کی آنکھیں حلقوں سے باہر نکلی ہوئی ہیں تو پھر آپ خوبصورت، نرم دل اور دلکش شخصیت کے مالک ہیں۔ آپ دوستوں اور گھروالوں کا مختصر حلقہ رکھتے ہیں۔ یہ افراد آپ کے لیے سب کچھ ہیں اور آپ انہیں کبھی نظروں سے اوجھل نہیں کرنا چاہتے۔

گہری آنکھیں

آگر آپ کی آنکھیں گہرائی رکھتی ہیں تو پھر خوابوں میں رہنے والے فرد ہے جو زندگی سے تنہا بھی لطف اندوز ہوسکتا ہے۔ باہر کی دنیا کے لیے آپ ایک پراسرار شخصیت ہیں، تاہم اس کا قطعی مطلب یہ نہیں کہ آپ منفی شخصیت کے مالک ہیں، آپ رومانٹک ہیں اور جب آپ کسی کو اچھی طرح جان لیتے ہیں تو پھر خود کو اس سامنے مکمل طور پر عیاں کردیتے ہیں۔

گول آنکھیں

اگر آپ کی آنکھیں گول ہیں تو آپ تخلیقی صلاحیتوں سے مالا مال شخص ہیں۔ آپ کھلے ذہن، جذبات سے لبریز پرجوش شخصیت کے مالک ہیں۔ دلربا شخصیت کی وجہ سے آپ ہر جگہ لوگوں کی توجہ کا مرکز بن جاتے ہیں، تاہم گول آنکھوں والے بہت کم لوگ ہی بھدی شخصیت کے مالک ہوتے ہیں۔