برطانوی وزیر صحت کورونا ایس او پیز کی خلاف ورزی پر مستعفی

ویب ڈیسک  اتوار 27 جون 2021
بورس جانسن نے میٹ ہین کوک کے استعفی کے بعد پاکستانی نژاد ساجد جاوید کو وزیر صحت تعینات کردیا

بورس جانسن نے میٹ ہین کوک کے استعفی کے بعد پاکستانی نژاد ساجد جاوید کو وزیر صحت تعینات کردیا

 لندن: برطانیہ کے وزیر صحت میٹ ہین کوک کورونا ایس او پیز کی خلاف ورزی کرنے پر مستعفی ہوگئے۔

برطانوی وزیر صحت میٹ ہین کوک نے کورونا ایس او پیز کی خلاف ورزی کرنے پر وزیراعظم بورس جانسن کو استعفیٰ دیدیا ہے، میٹ ہین کوک کی چند روز قبل برطانوی اخبار نے تصاویر شائع کی تھیں جس میں وہ سماجی فاصلے کو نظر انداز کرتے ہوئے اپنی ساتھی کا بوسہ لے رہے تھے، تصاویر وائرل ہونے کے بعد انہیں شدید تنقید کا سامنا کرنا پڑا تھا۔

میٹ ہین کوک نے بورس جانسن کو اپنے استعفیٰ میں معافی مانگتے ہوئے کہا کہ ایک ایسے وقت میں جب لوگ اس وبا کی وجہ سے اپنے پیاروں کو کھو چکے ہیں، میں نے ایس او پیز کی خلاف ورزی کرکے ان تمام افراد کا سر شرم سے جھکا دیا ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔