نوجوان تاریخ کی سب سے بڑی شجر کاری مہم کے لیے تیار رہیں، وزیراعظم

 اسلام آباد: وزیر اعظم عمران خان نے کہا کہ نوجوان تاریخ کی سب سے بڑی شجر کاری مہم کے لیے تیار رہیں۔

وزیراعظم نے اپنی ایک اور ٹوئٹ میں کہا ہے کہ تمام پاکستانی خصوصاً نوجوان تاریخ کی سب سے بڑی شجر کاری مہم کے لیے تیار رہیں، ملک کو سرسبز بنانے کے لیے ہمیں بہت کچھ کرنے کی ضرورت ہے۔

I want all Pakistanis, esp our youth, to gear up for the biggest tree planting campaign in our history. We have a lot of catching up to do. pic.twitter.com/miObo6XLK6

— Imran Khan (@ImranKhanPTI) June 27, 2021

اپنی ٹوئٹ میں وزیر اعظم نے ایک تصویر بھی شیئر کی جس میں بتایا گیا ہے کہ کینیڈا میں فی فرد 10 ہزار 163 درخت، گرین لینڈ میں 4 ہزار 964، آسٹریلیا میں 3 ہزار 266،  امریکا میں فی فرد  699، فرانس میں203 ،اتھوپیا میں143، چین میں فی فرد130،برطانیہ میں 47 اور بھارت میں 28درخت ہیں، جب کہ پاکستان میں فی فرد صرف 5 درخت ہیں۔

اس سے قبل ایک اور ٹوئٹ میں وزیر اعظم نے کہا کہ بنی گالہ کے نوجوانوں کیلئے ہم ایک کرکٹ گراؤنڈ تیار کروا رہے ہیں اور انشاءاللہ ملک بھر میں یونین کونسل کی سطح پر کھیلوں کے میدان مہیا کرنے کی منصوبہ بندی کررہے ہیں۔

Preparing a cricket ground for the youngsters of Bani Gala. InshaAllah, we are planning for sports grounds at Union Council level all over Pakistan. pic.twitter.com/L6RYY6Vy71

— Imran Khan (@ImranKhanPTI) June 26, 2021