آسٹریلیا میں 2 اسکائی ڈائیورز جہاز سے گر کر ہلاک

ویب ڈیسک  اتوار 27 جون 2021
اسکائی ڈائیورز کے اچانک طیارہ سے گرنے کی وجہ معلوم نہ ہوسکی، فوٹو: فائل

اسکائی ڈائیورز کے اچانک طیارہ سے گرنے کی وجہ معلوم نہ ہوسکی، فوٹو: فائل

سڈنی: آسڑیلیا میں اسکائی ڈائیونگ کرنے والے انسٹرکٹر اور ان کے شاگرد اسکائی ڈائیونگ سے پہلے ہی اچانک جہاز سے گر کر ہلاک ہوگئے۔

عالمی خبر رساں ادارے کے مطابق آسٹریلیا کے دارالحکومت سڈنی کے علاقے گولبرن میں دو اسکائی ڈرائیورز کو لے جانے والے طیارے میں موجود دونوں ڈائیورز فضا میں چھلانگ لگانے ہی والے تھے کہ اچانک کسی وجہ سے جہاز سے نیچے گر گئے۔

دونوں اسکائی ڈرائیورز ہزاروں فٹ بلندی سے نیچے رن وے پر گرے اور دونوں موقع پر ہی ہلاک ہوگئے۔ ہلاک ہونے والے اسکائی ڈایورز کی شناخت ظاہر نہیں کی گئی ہے۔

اسکائی ڈائیورز کی اچانک طیارے سے گرنے کی وجہ کا تعین نہیں ہوسکا ہے۔ انسٹرکٹر ڈائیور نہ صرف تجربہ کار تھے بلکہ وہ ڈھائی ہزار سے زائد بار ڈائیونگ کرچکے تھے۔

فیڈرل ایوی ایشن نے واقعے کی تحقیقات کے لیے انکوائری کمیٹی تشکیل دیدی ہے۔ جس میں پولیس افسران کے ساتھ آسٹریلیا کے سیفٹی بیورو ڈپارٹمنٹ کے اہلکاروں کو بھی شامل کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔