مقبوضہ کشمیر میں بھارتی فوج کی فائرنگ سے مزید 2 کشمیری نوجوان شہید

ویب ڈیسک  ہفتہ 24 جولائ 2021
گزشتہ روز بھی قابض فوج نے سرچ آپریشن کے دوران 2 نوجوانوں کو شہید کردیا تھا۔ فوٹو : فائل

گزشتہ روز بھی قابض فوج نے سرچ آپریشن کے دوران 2 نوجوانوں کو شہید کردیا تھا۔ فوٹو : فائل

سرینگر: مقبوضہ وادی میں قابض افواج کی فائرنگ کے نتیجے میں مزید 2 کشمیری نوجوان شہید ہوگئے۔

کشمیر میڈیا سروس کے مطابق بھارتی فوج کی ریاستی دہشتگردی کی تازہ کارروائیوں کے نتیجے میں مزید 2 کشمیری نوجوان شہید ہوگئے جس کے بعد کل سے لیکر اب تک شہید نوجوانوں کی تعداد 4 تک پہنچ گئی ہے، قابض فوج نے ضلع باندی پورہ میں نام نہاد سرچ آپریشن کے دوران فائرنگ کرکے نوجوانوں کو شہید کیا۔

کشمیر میڈیا سروس کے مطابق بھارتی فوج نے ضلع کے خارجی اور داخلی راستوں کو سیل کردیا ہے جب کہ آپریشن اب بھی جاری ہے،اس کے علاوہ علاقے میں موبائل اور انٹرنیٹ سروس کو بھی معطل کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔