چاہتے ہیں کراچی میں جلد بلدیاتی الیکشن ہوں اورہمارا میئرآئے، سعید غنی

 کراچی: صوبائی وزیرسعید غنی کا کہنا ہے کہ چاہتے ہیں کہ کراچی میں جلد بلدیاتی الیکشن ہوں اورہمارا میئرآئے۔

صوبائی وزیرسعید غنی نے پریس کانفرنس کرتے ہوئے کہا کہ متنازعہ مردم شماری کی وجہ سے حلقہ بندی نہیں ہورہی، وفاقی حکومت نے مردم شماری پرسندھ کے خدشات کو نظر انداز کیا، ایم کیوایم نے بھی متنازعہ مردم شماری منظورکرانے میں مدد کی، وزیراعلی سندھ نے مردم شماری پراختلافی نوٹ لکھا، ہم چاہتے ہیں کراچی میں جلد ازجلد بلدیاتی الیکشن ہوں اورہمارا میئرآئے۔

سعید غنی نے کہا کہ اگرخدانخواستہ کشمیرمیں دھاندلی ہوتی ہے توکشمیر کاز کو نقصان ہوگا، افسوسناک حقیقت ہے کہ کشمیرالیکشن کمیشن ناکام ہوا ہے، وفاقی وزیر الیکشن کمیشن کو منہ چڑا رہا ہے، کشمیرالیکشن کمیشن کی وجہ سےخدشات موجود ہیں۔