ہوائی سفر کرنے کے لئے کرونا ویکسی نیشن سرٹیفکیٹ لازم قرار

 اسلام آباد: اندرون ملک ہوائی سفر کرنے کے لئے کرونا ویکسی نیشن سرٹیفکیٹ لازمی قرار دے دیا گیا۔

ایکسپریس نیوزکے مطابق این سی او سی نے یکم اگست سے اندرون ملک ہوائی سفر کرنے کے لئے کرونا ویکسی نیشن سرٹیفکیٹ لازمی قرار دے دیا ہے۔

این سی او سی کی جانب سے جاری کردہ بیان میں کہا گیا ہے کہ اپنے آپ کو پریشانی سے بچانے کے لئے 31 جولائی تک ویکسین لگوائیں اور ویکسی نیشن سرٹیفکیٹ حاصل کریں، بصورت دیگر ہوائی سفر ممنوع ہوگا۔

اس خبرکوبھی پڑھیں: ویکسینیشن نہ کروانے والوں کی موبائل سم بلاک کردی جائے

واضح رہے کہ محکمہ صحت سندھ  نے این سی او سی سے درخواست کی ہے کہ جن افراد نے ویکسی نیشن نہیں کروائی ان کی سم بلاک کردی جائے، اس حوالے سے محکمہ صحت سندھ نے این سی او سی کو خط بھی لکھا ہے جس میں درخواست کی گئی ہے کہ این سی او سی ویکسین نہ لگانے والوں کے خلاف چار مراحل میں کارروائی کرے، پہلے مرحلے میں ویکسی نیشن نہ کرانے والوں کو وارننگ جاری کی جائے، دوسرے مرحلے میں ایسے افراد کا سوشل میڈیا ( فیس بک اور واٹس وغیرہ ) بلاک کیا جائے، تیسرے مرحلے میں آؤٹ گوئنگ ( کال کی سہولت) بند کی جائے، اور چوتھے اور آخری مرحلے میں ویکسینیشن نہ کرانے والے افراد کی موبائل سم کو مکمل بلاک کردیا جائے۔