روپے کے مدمقابل ڈالر کی قدر میں 50 پیسے کا اضافہ

اسٹاف رپورٹر  بدھ 28 جولائ 2021
اوپن کرنسی مارکیٹ میں ڈالر کی قدر 162 روپے کی سطح پر پہنچ گئی (فائل فوٹو)

اوپن کرنسی مارکیٹ میں ڈالر کی قدر 162 روپے کی سطح پر پہنچ گئی (فائل فوٹو)

 کراچی: روپے کے مدمقابل ڈالر کی قدر میں 50 پیسے کا اضافہ ہوگیا ہے۔

بیرونی ادائیگیوں کے دباؤ کے باعث زرمبادلہ کی دونوں مارکیٹوں میں ڈالر کے مقابلے میں روپیہ کمزور رہا جس سے اوپن کرنسی مارکیٹ میں ڈالر کی قدر 162 روپے کی سطح پر پہنچ گئی۔

انٹربینک مارکیٹ میں بڑھتی ہوئی طلب کے باعث ڈالر کی قدر میں زبردست اتار چڑھاؤ کے بعد 57 پیسے کے اضافے سے 161.81 روپے پر بند ہوئی جبکہ اوپن کرنسی مارکیٹ میں ڈالر کی قدر 50 پیسے بڑھ کر 162 روپے کی سطح پر بند ہوئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔