طلحہ طالب کا واپسی پر شاندار استقبال

 لاہور: اولمپکس میں شرکت کے بعد ویٹ لفٹر طلحہ طالب کا واپسی پر شاندار استقبال کیا گیا۔

اولمپکس میں شرکت کے بعد ویٹ لفٹر طلحہ طالب وطن واپس آ گئے، لاہور ایئرپورٹ پر ان کا شاندار استقبال کیاگیا، پھولوں کی پتیاں بھی نچھاور کی گئیں۔

بعد ازاں پریس کانفرنس میں انھوں نے کہا کہ ٹریننگ سہولیات کی کمی اور لوکل سامان کی دستیابی ہمارے وکٹری اسٹینڈ تک نہ پہنچ پانے کی اہم  وجوہات ہیں، میں نے جس سامان کے ساتھ ٹریننگ کی وہ وزن میں پورا نہیں تھا،اچھی ٹریننگ اورجدید  سامان ملتا تو ضرور میڈل پانے میں کامیاب ہوجاتا۔