ایرانی جارحیت دنیا بھر کی سلامتی کے لیے خطرہ بن رہی ہے، اسرائیلی وزیراعظم

تل ابیب: اسرائیلی وزیراعظم نفتالی بینیٹ کا کہنا ہے کہ ایرانی جارحیت دنیا بھر کی سلامتی کے لیے خطرہ بن رہی ہے۔

سماجی رابطے کی سائٹ ٹوئٹر پر اسرائیلی وزیراعظم نفتالی بینیٹ نے کہا کہ ایران سے ایک بار پھر دنیا بھر کے امن کو خطرات لاحق ہوگئے ہیں تاہم ہم اکٹھے ہوکر ایرانی جارحیت کا مقابلہ کرسکتے ہیں اور جتنا ہم ایک ساتھ کھڑے ہوں گے یہ اتنا ہی ہمارے لیے فائدہ مند ہوگا۔

Once again we see that Iran threatens peace all over the world. The more we stand together to confront Iranian aggression, the more effective we will be in putting an end to it.https://t.co/mHaBKnKI7K

— Naftali Bennett בנט (@naftalibennett) August 1, 2021

اسرائیلی وزیراعظم نفتالی بینیٹ کا کہنا تھا کہ ایران پہلے سے ہی اسرائیلی اہداف پر نظر رکھے ہوئے تھا اور ان کو نشانہ بنانا چاہتا تھا، ایران نے جہاز کو ڈرون سے نشانہ بنایا تاہم اس میں برطانوی رومانیہ کے شہری ہلاک ہوئے، اور اب ایران حملے کی ذمہ داری سے بچنے کی بزدلانہ کوششوں میں مصروف ہے۔

اس خبر کو بھی پڑھیں : خلیج عمان میں اسرائیلی کمپنی کے آئل ٹینکر پر حملہ، 2 افراد ہلاک

دوسری جانب ایرانی وزارت خارجہ نے تیل بردار جہاز پر حملے کی تردید کرتے ہوئے کہا ہے کہ حملہ خود اسرائیل نے کیا جس کے ٹھوس شواہد بھی موجود ہیں۔