- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
سینئر صحافی رفیق افغان انتقال کرگئے، سی پی این ای کی تعزیت
کراچی: سینئر صحافی روزنامہ امت، ہفت روزہ غازی اور ہفت روزہ تکبیرکے مدیر اعلیٰ رفیق افغان مختصر علالت کے بعد کراچی کے نجی اسپتال میں انتقال کرگئے۔
مرحوم رفیق افغان کی نماز جنازہ مسجد الفتح کڈنی ہل نزدکوکن پارک میں بعد نماز ظہر ادا کی گئی، نماز جنازہ بشیر فاروقی نے پڑھائی ، نماز جنازہ میں اہلخانہ ، رشتے داروں ، دوست احباب ، صحافیوں، سیاسی و مذہبی جماعتوں کے رہنماؤں اور دیگر شخصیات نے شرکت کی، بعدازاں مرحوم کو میوہ شاہ قبرستان میں سپردخاک کردیا گیا، مرحوم نے سوگواروں میں 2 بیٹے، بیوہ اور بھائی چھوڑے ہیں،
صوبائی وزیر اطلاعات سندھ سید ناصر حسین شاہ ،چیف سندھ سید ممتاز علی شاہ، پی ایس پی کے سربراہ مصطفیٰ کمال ، سیکریٹری اطلاعات سندھ اعجاز حسین بلوچ ، ڈائریکٹر جنرل غلام الثقلین اور ڈائریکٹر پریس انفارمیشن سلیم خان، کراچی پریس کلب کے صدر فاضل جمیلی ، سیکریٹری محمد رضوان بھٹی نے رفیق افغان کے انتقال پر افسوس کا اظہار کرتے ہوئے لواحقین سے تعزیت کا اظہار کیا۔
علاوہ ازیں کونسل آف پاکستان نیوزپیپر ایڈیٹرز (سی پی این ای) نے کونسل کے سینئر رکن، ممتاز صحافی اور روزنامہ امت گروپ کے ایڈیٹر انچیف رفیق افغان کے انتقال پر گہرے دکھ اور دلی تعزیت کا اظہار کیا ہے۔
ایک مشترکہ بیان میں سی پی این ای کے سینئر نائب صدر علی کاظم وحید، قائم مقام سیکریٹری جنرل عامر محمود، نائب صدور سردار خان نیازی، اکرام سہگل، ارشاد احمد عارف، انور ساجدی، ڈاکٹر حافظ ثنا اللہ خان، سابق سیکریٹری جنرل اعجازالحق ، ڈاکٹر جبار خٹک، جوائنٹ سیکریٹری غلام نبی چانڈیو، طاہر فاروق، عارف بلوچ، تنویر شوکت، شکیل احمد ترابی، فنانس سیکریٹری سید حامد حسین عابدی، انفارمیشن سیکریٹری عبدالرحمن منگریو سمیت تمام اراکین نے سی پی این ای کے سینئر رکن ممتاز صحافی اور روزنامہ امت گروپ کے ایڈیٹر انچیف جناب رفیق افغان کے انتقال پر گہرے رنج و غم اور افسوس کا اظہار کرتے ہوئے مرحوم کی مغفرت کے لیے دعا کی ہے کہ اللہ تعالی انھیں جوار رحمت میں جگہ اور سوگواران کو اس سانحہ پر صبرجمیل عطا فرمائے۔
سی پی این ای کے رہنماؤں نے اپنے تعزیتی بیان میںکہا ہے کہ رفیق افغان انسانی ہمدردی کے جذبے سے سرشار میڈیا کی آزادی اور فلاحی کاموں میں پیش پیش رہنے والے نڈر اور بہادر شخص تھے۔ انھوں نے صحافتی میدان میں نمایاں خدمات انجام دی ہیں ۔ رفیق افغان کی وفات سے صحافی برادری انتہائی غمگین ہے۔
دریں اثنا مرکزی انجمن اخبار فروشاں کراچی کے تحت اخبار مارکیٹ میں رفیق افغان کے انتقال پر تعزیتی اجلاس ہوا جس رفیق افغان کے انتقال پر فاتحہ خوانی کی گئی اور ان کے مغفرت کی دعا اور لواحقین سے اظہار تعزیت کیا گیا اجلاس میں مرکزی صدر اقبال نون، جنرل سیکریٹری عبدالحمید ڈاڈا، سینئر نائب صدر چوہدری نذیر سمیت دیگر رہنماؤں نے شرکت کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔