سندھ بھر میں تمام اسکول و کالجز تاحکم ثانی بند رکھنے کا اعلان

اسٹاف رپورٹر  ہفتہ 21 اگست 2021
گزشتہ روز وزیر اعلیٰ سندھ نے مزید ایک ہفتے کے لیے اسکول بند رکھنے کا اعلان کیا تھا فوٹو: فائل

گزشتہ روز وزیر اعلیٰ سندھ نے مزید ایک ہفتے کے لیے اسکول بند رکھنے کا اعلان کیا تھا فوٹو: فائل

 کراچی: سندھ بھر میں تمام نجی و سرکاری اسکول و کالجز تاحکم ثانی بند رکھنے کا اعلان کیا گیا ہے۔

محکمہ اسکول ایجوکیشن اینڈ لٹریسی اور محکمہ کالج ایجوکیشن کی جانب سے نوٹی فکیشن جاری کردیا گیا ہے، جس میں کہا گیا ہے کہ کورونا کے پیش نظر کراچی سمیت سندھ بھر کے نجی و سرکاری اسکول اور کالجز تاحکم ثانی بند رہیں گے۔

نوٹی فکیشن کے مطابق کالجز میں بورڈز کی جانب سے جاری شیڈول کے تحت امتحانات ہوں گے، کالجز کی بندش کے دوران کالج پرنسپل کو کالج کی صفائی ستھرائی کے لئے ضروری عملے کو طلب کرنے کی اجازت ہے۔

واضح رہے کہ گزشتہ روز وزیر اعلیٰ سندھ نے مزید ایک ہفتے کے لیے اسکول بند رکھنے کا اعلان کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔