- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
محکمہ تعلیم اور ٹرانسپورٹ کا اجلاس اسکول وینز کیلیے پیلا رنگ یا مونو گرام لگانے کی تجویز
کراچی: محکمہ تعلیم نے اسکول وینز کوپیش آنے والے حادثات کے بعد سندھ میں تعلیمی اداروں میں چلنے والی ٹرانسپورٹ کے لیے ضابطہ اخلاق طے کرلیاجس کے تحت اسکول وینزکے لیے ’’پیلارنگ‘‘ اورمونوگرام مختص کردیاگیاہے اورپٹرول کے ٹینک کے علاوہ کسی اضافی کنٹینر یا بوتل میں پٹرول رکھنے پرپابندی لگائی گئی ہے۔
مزید براں سی این جی سرٹیفکیٹ کے بغیر چلنے والی اسکول وین کوکسی حادثے کی صورت میں متعلقہ اسکول ذمے دارہوگا جبکہ سی این جی اسٹیشن سرٹیفکیٹ کے بغیرکسی اسکول وین میں گیس منتقل نہیں کرسکیں گے، اس ضابطہ اخلاق کی سفارش صوبائی محکمہ تعلیم کے ذیلی ادارے ڈائریکٹوریٹ پرائیویٹ انسٹی ٹیوشنزسندھ اورصوبائی محکمہ ٹرانسپورٹ کے مابین منگل کومنعقدہ مشترکہ اجلاس میں کی گئی، اجلاس میں طے کیے گئے ضابطہ اخلاق کوسفارشات کی شکل میں منظوری کے لیے وزیراعلیٰ سندھ کوبھجوایاجائے گاجس کے بعد مذکورہ فیصلوں کانوٹیفکیشن جاری کیاجائے گا،منگل کو اجلاس میں ڈائریکٹر جنرل پرائیویٹ انسٹیٹیوشن سندھ ڈاکٹر منسوب حسین صدیقی،مانیٹرنگ افسراخلاق احمد، نجی اسکولوں کی ایسوسی ایشن کے رہنماخالد شاہ اور شرف الزماں،صوبائی محکمہ ٹرانسپورٹ سے یارمحمد کے علاوہ دیگربھی شریک ہوئے، اجلاس میں طے کیا گیاکہ ڈائریکٹر پرائیویٹ انسٹی ٹیوشنز سندھ ڈاکٹرمنسوب صدیقی نے ’’ایکسپریس‘‘کوبتایاکہ اجلاس میںسی این جی اسکولز وین سے متعلق مشاورت کی گئی اور اسکول وینز سے متعلق حفاظتی اقدامات زیر بحث آئے ۔
جبکہ متفقہ طور پر یہ طے کیا گیا کہ تمام وین کی ایکسائز ڈپارٹمنٹ سے فٹنس، روٹ پرمٹ اور رجسٹریشن ہونی چاہیے، تمام ڈرائیوروں کے لیے تربیتی کورس ہونا چاہیے اور گاڑیوں میں آگ بجھانے والا آلات لگے ہونے چاہئیں،طلبا ’’سیٹ بائی سیٹ‘‘ بٹھائے جائیں اور گنجائش سے زیادہ بچوں کواسکول وین میں سوار نہ کرایاجائے مانیٹرنگ آفیسر اخلاق احمدکے مطابق والدین بچوں اور اسکولوں کے لیے آگاہی مہم چلائی جائے تاکہ تمام والدین جس گاڑی میں اپنے بچوں کو اسکول بھیج رہے ہیں اس میں یہ دیکھیں کہ اس نے تمام حفاظی اقدامت کیے ہیں یا نہیں ایسی گاڑی میں ہرگز بچوں کو نہ بھیجیں جس میں سہولت میسر نہ ہوں جبکہ تمام تعلیمی ادارے اپنے اپنے اسکولوں میں لانے اور لے جانے والی گاڑیوں کے ڈرائیوروں کے مکمل کوائف، گاڑی کی فٹنس ہر تین ماہ کے بعد چیک کریں تاکہ کسی بھی سطح پرکوتاہی نہ ہوسکے اسکولز وین کے سامنے والے شیشے پرسی این جی سرٹیفکیٹ آویزاں کیا جائے تاکہ معلوم ہوسکے کہ سی این جی سلنڈر صحیح ہے سی این جی اسٹیشن کسی ایسی اسکول وین کو سی این جی نہ دیں جس کے پاس ’’ایچ ڈی آئی پی‘‘کا سرٹیفکیٹ نہ ہو۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔