یو اے ای میں باپ کو قتل کرنیوالے بیٹے کو سزائے موت سنادی گئی

ویب ڈیسک  منگل 14 ستمبر 2021
نوجوان نے رمضان کے مہینے میں والد کو بہیمانہ انداز میں تیز دھار آلے کے وار کرکے قتل کیا فوٹو: فائل

نوجوان نے رمضان کے مہینے میں والد کو بہیمانہ انداز میں تیز دھار آلے کے وار کرکے قتل کیا فوٹو: فائل

ابو ظہبی: متحدہ عرب امارات کی عدالت نے والد کو قتل کرنے کے جرم میں بیٹے کو سزائے موت سنادی۔

العربیہ نیوز کے مطابق ابوظہبی کے شہر العین کی عدالت نے ایک نوجوان کو اپنے والد کے قتل کے جرم میں سزائے موت سنادی۔ نوجوان نے رمضان کے مہینے میں والد کو بہیمانہ انداز میں تیز دھار آلے کے وار کرکے قتل کیا اور اس پر 36 وار کیے۔

مجرم نے اپنے بھائی کو والد کو اسپتال لے جانے سے روک دیا جس کے لیے اس نے اپنی بھائی کی گاڑی کو توڑ پھوڑ کرکے شدید نقصان پہنچایا۔

مجرم منشیات کا عادی ہے جس کے لیے اپنے والد سے پیسے مانگتا تھا اور پیسے نہ دینے پر والد پر تشدد بھی کرتا تھا۔ وہ اس سے پہلے بھی منشیات استعمال کرنے کے جرم میں سزا کاٹ چکا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔