- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
ہائی ٹینشن لائن سے کرنٹ لگنے سے 3 بچے جھلس گئے
کراچی: اورنگی ٹاؤن نمبر 14 میں لوہے کی راڈ ہائی ٹینشن ٹکرانے سے 3 کم عمر بچے جھلس کرشدید زخمی ہو گئے.
ایکسپریس نیوز کے مطابق اورنگی ٹاؤن سیکٹر 14 سی شہید اکبر چوک کے قریب واقع مکان نمبر148 میں کرنٹ لگنے سے 3 کم عمر بچے جھلس کرشدید زخمی ہو گئے،جنہیں فوری طور پرسول اسپتال کے برنس وارڈ منتقل کردیا گیا ہے۔ کرنٹ لگنے سے جھلس کرزخمی ہونے والے بچوں کی شناخت 7 سالہ ایان ولد محمد وسیم، 10 سالہ محمد الیان ولد سراج اور 6 سالہ یوسف ولد اسلم کے نام سے ہوئی ہے۔
اس حوالے سے ایس ایس پی ویسٹ سہائے عزیزنے بتایا کہ بچوں کو کرنٹ لگنے کا واقعہ گزشتہ رات پیش آیا تھا، ابتدائی تفتیش کے مطابق متاثرہ بچے گھر کی گیلری میں کھیل رہےتھے اس دوران لوہے کا پائپ قریب لگے بجلی کی ہائی ٹینشن تاروں سے ٹکرا گیا،جس سے بچوں کو کرنٹ لگا۔
پولیس کا کہنا ہے کہ اس واقعے سے متعلق مزید تحقیقات کررہے ہیں جب کہ کرنٹ لگنے سے بچوں کے جسم کے مختلف اعضا بری طرح جھلس گئے ہیں۔ اس واقعے کے بارے میں علاقہ مکینوں کا کہنا ہے کہ بچوں کو کرنٹ لگنے کا واقعہ منگل کی شام چھ بجے کے قریب پیش آیا تھا اور جس مکان کی چھت پر بچوں کو کرنٹ لگا اس کی دوسری منزل ابھی زیر تعمیر ہے، جب کہ مکان کے قریب لگے ہوئے پول سے 11 ہزار وولٹ کے تار گزر رہے ہیں۔
ترجمان کےالیکٹرک نے گزشتہ روز پیش آنے والے افسوس ناک واقعے میں متاثرہ خاندان کے ساتھ اظہارِ ہمدردی کیا ہے۔ ترجمان کا کہنا ہے کہ ابتدائی تحقیقات کے مطابق یہ واقعہ اُس وقت پیش آیا جب تین چھوٹے بچے گھر کی چھت پر لوہے کی قریباً 5 سے 7 فٹ لمبی راڈ کے ساتھ کھیل رہے تھے۔ کھیل کے دوران لوہے کی راڈ گھر کی باؤنڈری سے باہر نکل کر کے الیکٹرک کے ہائی ٹینشن نیٹ ورک کے ساتھ لگ گئی۔
ترجمان نے مزید کہا ہے کہ لوہے کی راڈ کے استعمال کے ساتھ گھر کے اوپری حصے کی غیر قانونی توسیع بھی حادثے کا سبب معلوم ہوتی ہے، جس نے کے الیکٹرک کے انفرا اسٹرکچر اور گھر کے درمیان فاصلے کو کم کردیا تھا۔ جب کہ علاقائی ٹیموں کی جانب سے کسی تار کے ٹوٹنے یا کے ای کے بنیادی ڈھانچے کو نقصان پہنچنے کی کوئی اطلاع موصول نہیں ہوئی۔
ترجمان کا کہنا ہے کہ ہائی ٹینشن برقی تاروں کو براہ راست یا کسی آلے سے چھونا انتہائی خطرناک ہے، انہوں نے مزید کہا کہ پاور یوٹیلٹی سے اوور ہیڈ اور زیر زمین ترسیل و تقسیم کے نظام کی منصوبہ بندی اور تنصیب متعلقہ حکام کی منظوری سے کی جاتی ہے، البتہ کے الیکٹرک کے نیٹ ورک کے قریب یا ارد گرد تجاوزات اور غیر قانونی تعمیرات محفوظ فاصلے کو نظرانداز کر کے خطرناک صورت حال پیدا کرتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔