فرانس کا داعش کے اہم رہنما کی ہلاکت کا دعویٰ

ویب ڈیسک  جمعرات 16 ستمبر 2021
فرانسیسی افواج ایک آپریشن میں عدنان ابو ولید کو ہلاک کیا، فرانسیسی صدر

فرانسیسی افواج ایک آپریشن میں عدنان ابو ولید کو ہلاک کیا، فرانسیسی صدر

پیرس: فرانس نے داعش صحارا کے سربراہ کی ہلاکت کا دعویٰ کیا ہے۔

فرانسیسی صدر ایمانول میکرون نے سماجی رابطے کی سائٹ ٹوئٹر پر دولت اسلامیہ سہارا ریجن کے سربراہ عدنان ابو ولید کی ہلاکت کی خبر شئیر کرتے ہوئے کہا کہ فرانسیسی افواج ایک آپریشن میں عدنان ابو ولید کو ہلاک کیا جو کہ دہشت گردی کے خلاف جنگ میں ایک بڑی اور اہم کامیابی ہے۔

فرانسیسی وزیر دفاع کی جانب سے بھی ٹوئٹ میں کہا گیا ہے کہ عدنان ابو ولید کی ہلاک فرانس اور اتحادی ممالک کے لیے کامیابی ہے جب کہ ہماری دعائیں ان تمام فوجیوں کے ساتھ ہیں جو اس لڑائی میں ہلاک یا زخمی ہوئے، ان کی قربانیاں رائیگاں نہیں جائیں گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔