- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
نیوزی لینڈ کرکٹ ٹیم خصوصی طیارے سے وطن روانہ
راولپنڈی: نیوزی لینڈ کرکٹ ٹیم کو سخت سیکیورٹی میں اسلام آباد انٹرنیشنل ائیرپورٹ سے دبئی روانہ کردیا گیا۔
ایکسپریس نیوز کے مطابق نیوزی لینڈ کرکٹ ٹیم کو اور دیگر آفیشلز سمیت 34 افراد خصوصی پرواز کے ذریعے وطن واپسی کے لیے دبئی روانہ ہوگئے ہیں۔ نیوزی لینڈ ٹیم کے لیے مختص خصوصی طیارہ تاخیر سے اسلام آباد پہنچا جس کی وجہ سے پرواز کی روانگی میں دیر ہوئی۔
نیوزی لینڈ کی ٹیم کو پاکستان کرکٹ ٹیم کے ساتھ 3 ون ڈے اور 5 ٹی 20 میچز کی سیریز کھیلنی تھی، جس کو نیوزی لینڈ کی حکومت نے سیکیورٹی خدشات کا بہانہ بنا کر منسوخ کیا اور ٹیم کو فوری وطن واپسی کا حکم دیا تھا۔
نیوزی لینڈ کی ٹیم 11 ستمبر کو اسلام آباد پہنچی تھی، پہلی ون ڈے سیریز راولپنڈی کرکٹ اسٹیڈیم میں 21 ستمبر تک کھیلی جانی تھی، تاہم پہلے ون ڈے سے کچھ دیر قبل کرکٹ سیریز کو منسوخ کیا گیا، جس نے پاکستان سمیت دنیابھر کے کرکٹ شائقین کو حیرت میں مبتلا کردیا۔
وطن واپسی سے قبل نیوزی لینڈ کی ٹیم کو اسلام آباد کے مقامی ہوٹل سے انتہائی سخت سیکیورٹی میں اسلام آباد ائیرپورٹ پہنچایا گیا جہاں محکمہ صحت کے حکام نے دبئی جانے والے مسافروں کے لیے ایس او پیز پر عمل درآمد کرتے ہوئے تمام کھلاڑیوں اور دیگر آفیشلز کے ریپیڈ ٹیسٹ مکمل کیے۔
نیوزی لینڈ کی ٹیم کی وطن واپسی کے لیے نجی کمپنی کے ائیربس جہاز 319 کی خدمات حاصل کی گئی، 50 نشستوں پر مشتمل جہاز غیر ملکی کمپنی روٹانا جیٹ کی ملکیت ہے، اس سے قبل نیوزی لینڈ کی حکومت نے پاکستان سول ایوی ایشن اتھارٹی سے خصوصی چارٹر طیارے کے لینڈنگ رائٹس طلب کیے تھے۔
سول ایوی ایشن اتھارٹی نے کھلاڑیوں کی بہ حفاظت واپسی کے لیے خصوصی طیارے کو پاکستان میں داخل ہونے کی اجازت دی تھی۔
یہ بھی پڑھیں: نیوزی لینڈ کرکٹ بورڈ نے سیکیورٹی خدشات پر دورہ پاکستان ختم کردیا
واضح رہے کہ نیوزی لینڈ کرکٹ ٹیم کو پاکستان آمد کے بعد سے سربراہان مملکت کی سطح کی سیکورٹی دی جارہی ہے، اس کے باوجود اس نے دورہ پاکستان اچانک ختم کردیا اور ایک بھی میچ کھیلے بغیر واپس روانہ ہوگئی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔