پاک فوج سے متعلق مضحکہ خیز دعویٰ؛ ارنب گوسوامی کی سوشل میڈیا پردرگت بن گئی

نئی دہلی: جھوٹے دعوؤں اور بے سروپا باتوں کے لیے مشہور بھارتی اینکر ارنب گوسوامی نے مضحکہ خیز دعویٰ کیا ہے کہ کابل کے سرینا ہوٹل کی پانچویں منزل پر پاک فوج کے افسران ٹھہرے ہوئے ہیں اور پنجشیر میں مزاحمتی گروپ کے خلاف طالبان کی مدد کررہے ہیں۔

بھارتیہ جنتا پارتی اور مودی جی کے مداح ہونے کے باعث ارنب گوسوامی جنگ پسند ’’اینکر‘‘ ہیں جو اکثر اپنے پروگرام میں بے سروپا باتیں کرکے اپنا مذاق خود بنواتے رہتے ہیں۔

https://twitter.com/aakashmehrotra/status/1439523002194923522?s=20

اپنے ایک پروگرام نے ارنب گوسوامی نے جب کابل کے سرینا ہوٹل کی پانچویں منزل میں پاک فوج کے افسران کی موجودگی کا اپنے تئیں ریکارڈ توڑ ’’ انکشاف‘‘ کیا تو سوشل میڈیا پر صارفین نے ان کے جھوٹ کا پردہ فاش کرتے ہوئے یاد دلایا کہ کابل کا سرینا ہوٹل صرف دو منزلہ عمارت ہے۔

https://twitter.com/Dilsedesh/status/1439528467465322498?s=20

کئی صارفین نے سرینا ہوٹل کابل کی تصاویر اور ویڈیوز بھی شیئر کیں جس میں صاف نظر آرہا ہے کہ یہ دو منزلہ عمارت ہے اور ارنب سوامی کی معلومات اتنی ناقص ہیں کہ اس دو منزلہ عمارت کی پانچویں منزل میں پاک فوج کی موجودگی کا دعویٰ کر بیٹھے۔

https://twitter.com/AtifMatinAnsari/status/1439617531942166528?s=20

ارنب سوامی نے اسی پر بس نہیں کی بلکہ یہ تک کہہ ڈالا کہ وہ ہوٹل میں پاکستانی افسران کے کمروں کے نمبرز بھی بتاسکتے ہیں اور یہ بھی کہ ان افسران نے رات کھانے میں کون سی ڈشیں آرڈر کی تھیں۔

The World According to #ArnabGoswami pic.twitter.com/aFnNjCMapE

— SJ Ahmed (@SuhaibJAhmed) September 19, 2021

ایک صارف نے سرینا ہوٹل میں موجود کبوتروں کی تصاویر شیئر کرتے ہوئے لکھا کہ ارنب سوامی شاید ان کو آئی ایس آئی اہلکار سمجھ رہے ہیں جب کہ ایک صارف نے ہوٹل کی الٹی تصویر شیئر کرکے لکھا کہ شاید اس طرح ارنب سوامی ہوٹل کی پہلی منزل کے 12 کمروں کو 12 فلورز سمجھ رہے ہیں۔

ISI using stealth technology to hide the 5th floor. Serena Kabul.#ArnabGoswami pic.twitter.com/4TsaZDOOGm

— M.Hυɱαყσυɳ.β® (@i_humayoun) September 19, 2021

ایک بھارتی بلاگرز نے لکھا کہ شاید دنیا میں کوئی ایسا صحافی ہو جو اتنے اعتماد سے جھوٹی خبریں دے سکتا ہو لیکن اس بار ارنب سوامی پکڑے گئے۔ چین کے صحافی شین شیوی نے بھی ہوٹل کی تصاویر شیئر کرکے لکھا کہ ہوٹل میں ٹوٹل دو منزلیں ہی ہیں۔

India's Arnab Goswami claims #Pakistan's ISI officers are staying on the fifth floor of Serena Hotel Kabul and meddling in the affairs of #Afghanistan.

But……Serena Hotel in Kabul has only two floors, the fifth floor doesn’t exist……pic.twitter.com/nFypRdGzP3

— Shen Shiwei沈诗伟 (@shen_shiwei) September 19, 2021