عمر شریف کو امریکا لیجانے کیلئے ایئرایمبولینس کو پاکستان آنے کی اجازت مل گئی

ویب ڈیسک  جمعـء 24 ستمبر 2021
سی اے اے کے شعبہ ایرٹرانسپورٹ نے نوٹیفکیشن جاری کردیا 
فوٹوفائل

سی اے اے کے شعبہ ایرٹرانسپورٹ نے نوٹیفکیشن جاری کردیا فوٹوفائل

کراچی: سی اے اے نے عمر شریف کے لیے امریکا سے آنے والی ایئر ایمبولینس کو پاکستان آنے کی اجازت دے دی۔

سی اے اے نے پاکستان کے سینئر اداکار عمر شریف کے لیے امریکا سے آنے والی ایئر ایمبولینس کو پاکستان آنے کی اجازت دے دی۔ سی اے اے کے شعبہ ایئرٹرانسپورٹ نے ایمبولینس پاکستان آنے کی اجازت کا نوٹیفکیشن جاری کردیا۔

یہ بھی پڑھیں: عمر شریف کی طبیعت میں بہتری؛ پرائیویٹ وارڈ منتقل

نوٹیفیکشن کے مطابق ایئر ایمبولینس 26 ستمبر کی رات 11 بجے کراچی ایئرپورٹ لینڈ کرے گی۔ جس میں کپتان کے ہمراہ 5 کریو کا عملہ بھی پاکستان آئے گا اور ایئر ایمبولینس جرمنی سے کراچی پہنچے گی۔

سی اے اے  کے مطابق عمر شریف کو امریکا لے جانے والی ایئر ایمبولینس کے لیے تمام انتظامات مکمل کرلئے ہیں۔ ایئر ایمبولینس کی امریکا کے لیے سفر سے قبل کراچی ایئرپورٹ پر ری فیولنگ ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔