- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
نجم سیٹھی کی متنازع ریمارکس پر انگلش چیف سے معذرت
کراچی: پی سی بی کی سابق عبوری انتظامی کمیٹی کے سربراہ نجم سیٹھی نے متنازع ریمارکس پر انگلش کرکٹ چیف سے معذرت کرلی۔
ای سی بی نے ان کی ای میل ملنے کی تصدیق کرتے ہوئے مکمل مندرجات بتانے سے انکار کر دیا، اس حوالے سے موقف جاننے کیلیے نجم سیٹھی سے رابطے کی کوششیں کامیاب نہ ہو سکیں، آئی سی سی پہلے ہی کہہ چکی کہ سابق پی سی بی آفیشل کا دبئی میں9جنوری کو ہونے والے فل ممبرز اجلاس کے بارے میں تبصرہ غلط بیانی پر مبنی تھا۔ تفصیلات کے مطابق نجم سیٹھی نے گذشتہ دنوں ایک ٹی وی پروگرام میں کہا تھا کہ تبدیلیوں کی تجاویز کو تسلیم نہ کیا تو بھارت، انگلینڈ اور آسٹریلیا انٹرنیشنل کرکٹ کونسل کو خیرباد کہہ دیںگے،ان کا کہنا تھاکہ9جنوری کو اجلاس کے دوران جائلز کلارک نے ایک سوال پرکہا کہ ہم زیادہ ریونیو دیتے ہیں اسی لیے ویٹو پاور بھی حاصل کرنا چاہتے ہیں، نجم سیٹھی کا کہنا تھاکہ میں نے انگلش بورڈ کے چیف سے پوچھا کہ اگر غیر جمہوری نظام ہمیں پسند نہ ہو تو جائیں گڈیاں اڑائیں یا ہمیں لازمی قبول کرنا ہو گا؟ جائلزنے کہاکہ اگرآپ منظور نہیں کریں گے تو ہم آئی سی سی سے الگ ہو جائیںگے، اس کا مطلب یہ تھا کہ انھوں نے دھمکی دی کہ جس80 فیصدریونیو پر ناز ہے وہ لے کر الگ ہو جائیں گے اور آئی سی سی چل نہیں سکے گی۔
سابق پی سی بی آفیشل کو شائد اندازہ نہ تھا کہ اردو زبان میں ان کے کمنٹس گوروں تک پہنچ جائیں گے مگر ایک برطانوی ویب سائٹ ’’پاک پیشن ڈاٹ کام‘‘ نے اسے ترجمہ کرکے ریلیزکردیا، معاملہ جب انگلش بورڈ تک پہنچا تو اس نے پُرزور احتجاج کیا جس پرآئی سی سی نے گذشتہ دنوں پریس ریلیزکے ذریعے نجم سیٹھی کے دعوئوں کوغلط قراردیا۔ اب ذرائع نے نمائندہ ’’ایکسپریس‘‘ کوبتایا کہ نجم سیٹھی نے گذشتہ دنوں ای میل کے ذریعے جائلزکلارک سے معذرت بھی کرلی ہے، جب نمائندہ ’’ایکسپریس‘‘ نے انگلش بورڈکے ڈائریکٹر آف کمیونی کیشنز کولن گبسن سے رابطہ کیا تو انھوں نے کہاکہ ہم نجم سیٹھی اور جائلزکلارک کے درمیان پرائیویٹ خط وکتابت کے مندرجات نہیں بتا سکتے، اس سوال پرکہ کیا سابق پی سی بی آفیشل نے انگلش چیف سے معذرت کرلی تو گبسن نے کہا کہ ہم اس کی تردید نہیں کریں گے۔ اس حوالے سے موقف جاننے کیلیے جب نمائندہ ’’ایکسپریس‘‘ نے نجم سیٹھی سے رابطے کی کوشش کی تو انھوں نے اپنے دونوں موبائل فونز پرکالز وصول نہیں کیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔