یمن؛ حوثی باغیوں نے خواتین کے اسمارٹ فون اور میک اپ پر پابندی لگادی

صنعا: یمن میں حوثی باغیوں نے اپنے زیر قبضہ علاقے میں خواتین کے اسمارٹ فون اور میک اپ کرنے پر پابندی عائد کردی۔ 

عالمی خبر رساں ادارے کے مطابق حوثی باغیوں کی جانب سے این جی او کے ساتھ طے کیے گئے ایک معاہدہ صنعا کے علاقے میں تقسیم کیا گیا ہے۔ پمفلٹ میں خواتین کو ہدایات کی گئی ہیں کہ وہ غیر ضروری طور پر اور محرم کے بغیر باہر نہ نکلیں۔

حوثی باغیوں نے مزید کہا ہے کہ خواتین کے اسمارٹ فون استعمال کرنے پر بھی پابندی ہوگی جب کہ میک اپ کی اجازت نہیں دی جائے گی۔ خواتین کو حجاب میں اور بغیر میک اپ کے گھر سے صرف محرم کے ساتھ نکلنے کی اجازت ہوگی۔

Houthis ban women in Sana’a Bani Hushaish area from working with NGOs and using smartphones and cosmetics as this is part of "the intellectual invasion to weaken Islam & create division." Anyone who violates this will be fined Yer 200,000 & a cow, acco to this memo.#YemenMirror pic.twitter.com/Y9JoXgLwDY

— Yemen Mirror (@TheYemenMirror) September 23, 2021

یہ ہدایات حوثی باغیوں کے مقامی رہنما نے ایک این جی او کے ساتھ معاہدے میں طے کیے۔ ان ہدایات میں عمل درآمد نہ کرنے کی صورت میں این جی اوز کو کام کرنے کی اجازت نہیں دی جائے گی۔

این جی اوز کے لیے کام کرنے والی خواتین کے لیے محرم کی شرط ختم کردی جائے گی تاہم یہ خواتین میک اپ کے بغیر اور مکمل حجاب میں ہوں گی۔