راولپنڈی میں گونگی بہری خاتون سے زیادتی کا ملزم گرفتار

 راولپنڈی: گوجرخان پولیس نے گونگی بہری خاتون سے چھ ماہ تک زیادتی کرنے والے ملزم کو گرفتار کرلیا۔

پولیس کے مطابق ملزم عدنان شاہ نے متاثرہ خاتون کا چھ ماہ کا حمل بھی ضائع کرایا۔ پولیس نے خاتون کے والد کی درخواست پر ملزم کے خلاف مقدمہ درج کیا ہے۔

پولیس کے مطابق ملزم کو گرفتار کرکے میڈیکل ٹیسٹ کیا جارہا ہے اور دیگر شواہد جمع کررہے ہیں تاکہ اسے قرار واقعی سزا دلوائی جاسکے، ملزم اور متاثرہ خاتون کا ڈی این اے ٹیسٹ بھی کرایا جائے گا۔