سچن ٹنڈولکر انضمام الحق کی جلد صحت یابی کیلیے دعاگو

دنیا کے مایہ ناز بلے باز اور سابق بھارتی کپتان سچن ٹنڈولکر نے انضمام الحق کے لیے نیک خواہشات کا اظہار کیا ہے۔

بھارت کے لیجنڈری بیٹسمین سچن ٹنڈولکر نے سماجی رابطے کی ویب سائٹ پر ٹوئٹ کرتے ہوئے قومی ٹیم کے سابق کپتان انضمام الحق کے لیے نیک خواہشات کا اظہار کیا اور ان کی صحتیابی کے لیے دعا بھی کی۔

Wishing you a speedy recovery @Inzamam08. You've always been calm yet competitive, and a fighter on the field.

I hope and pray that you'll come out stronger from this situation as well. Get well soon.

— Sachin Tendulkar (@sachin_rt) September 28, 2021

اپنی ٹوئٹ میں ماسٹر بلاسٹر کا کہنا تھا کہ ’’ انضمام الحق، آپ فیلڈ میں ہمیشہ خاموش لیکن ایک لڑاکو رہے ہیں، مجھے امید ہے اور یہ میری دعا بھی ہے کہ آپ اس صورتحال سے جلد نکل جائیں گے۔

اس خبر کو بھی پڑھیں؛ پیارے دوست اپنا خوب خیال رکھو، وسیم اکرم کا انضمام کو مشورہ

واضح رہے انضمام الحق کوگزشتہ رات دل کی تکلیف محسوس ہونے پر اسپتال لے جایا گیا تھا جہاں ان کی اینجیو پلاسٹی کی گئی اور بعد ازاں انہیں اسپتال سے ڈسچارج کردیا گیا۔