مقررہ وقت میں جواب جمع نہ کرانے پر فواد اور سواتی کیخلاف کارروائی ہوگی، الیکشن کمیشن

ویب ڈیسک  منگل 28 ستمبر 2021
مقررہ وقت میں جواب جمع نہ کرانے پر وفاقی وزراء کیخلاف الیکشن ایکٹ کے تحت کاروائی کی جائے گی، ذرائع ۔ فوٹو : فائل

مقررہ وقت میں جواب جمع نہ کرانے پر وفاقی وزراء کیخلاف الیکشن ایکٹ کے تحت کاروائی کی جائے گی، ذرائع ۔ فوٹو : فائل

 اسلام آباد: الیکشن کمیشن آف پاکستان نے نوٹس کا جواب جمع کرانے کیلئے فواد چوہدری اوراعظم سواتی کو مہلت دیتے ہوئے کہا ہے کہ مقررہ وقت میں جواب جمع نہ کرانے پر کارروائی ہوگی۔

وفاقی وزراء فواد چوہدری اور اعظم سواتی نے الیکشن کمیشن کے نوٹس پر جواب جمع کروانے کے لیے ایک ماہ کا وقت مانگ تھا جس پرالیکشن کمیشن نے انہیں جواب جمع کرانے کے لیے مہلت دے دی۔

ذرائع کے مطابق الیکشن کمیشن نے دونوں وفاقی وزراء کو تین ہفتوں تک جواب جمع کرانے کی مہلت دیتے ہوئے کہا ہےکہ مقررہ وقت میں جواب جمع نہ کرانے کی صورت میں وفاقی وزراء کے خلاف الیکشن ایکٹ کے تحت کاروائی کی جائے گی جب کہ الزامات کے ثبوت فراہم نہ کرنے کی صورت میں وفاقی وزراء کے خلاف توہین کمیشن کی کارروائی بھی کی جا سکتی ہے۔

اس خبر کو بھی پڑھیں؛ فواد چوہدری اور اعظم سواتی کو نوٹس جاری

واضح رہے اعظم سواتی نے الیکشن کمیشن پر پیسے لینے کا الزام عائد کیا تھا اور فواد چوہدری نے چیف الیکشن پر نوازشریف سے رابطے کا الزام عائد کیا تھا جس پر الیکشن کمیشن نے وفاقی وزرا کے الزامات کو بے بنیاد اور من گھڑت قرار دے کر مسترد کردیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔