رانا ٹنگا نے آئی سی سی میں تبدیلی کی کوشش کا ذمہ دار بھارت کو قرار دیدیا

کولمبو: سابق سری لنکن کپتان ارجنا رانا ٹنگا نے آئی سی سی میں تبدیلی کی کوشش کا ذمہ دار بھارت کو قرار دیدیا۔

انھوں نے کہا کہ انٹرنیشنل کرکٹ کونسل میں ویٹو سسٹم لانے میں بھارت کلیدی کردار ادا کررہا ہے، انگلینڈ اور آسٹریلیا نے بھی اس کا ساتھ مجبوری میں دیاکہ کہیں وہ خالی ہاتھ نہ رہ جائیں، اس ڈرافٹ کی منظوری سے بھارتی بورڈ کو اتنے اختیار مل جائیں گے کہ صدر این سری نواسن کے داماد پر بھی غلط حرکات کے باوجود پابندی عائد نہیں ہوگی کیونکہ کبھی بھی بھارت اس پر اعتراض نہیں کرے گا۔