مصر میں فلم فیسٹیول کے ہال میں خوفناک آگ بھڑک اٹھی

قاہرہ: مصر میں الجونا فلم فیسٹیول کے مرکزی ہال میں اچانک آگ بھڑک اٹھی جس نے دیکھتے ہی دیکھتے اندر موجود ہر چیز کو جلاکر راکھ کردیا۔

آتشزدگی کے واقعے میں کوئی جانی نقصان نہیں ہوا تاہم مالی طور پر نقصان پہنچا۔ یہ واقعہ فیسٹیول کے پانچویں ایڈیشن کی افتتاحی تقریب سے ایک روز پہلے پیش آیا۔

منتظمین کا کہنا ہے کہ واقعے کی اطلاع ملتے ہی فائر بریگیڈ موقع پر پہنچ گئی اور آگ بجھائی، آگ اس جگہ لگی جہاں تقریب منعقد ہونا تھی، تاہم اب اس پر قابو پالیا گیا ہے اور حالات معمول پر آگئے ہیں۔ منتظمین کا کہنا تھا کہ واقعے کے باوجود فیسٹیول اپنے وقت پر منعقد ہوگا۔ کامیاب فن کاروں کے ناموں کا اعلان 22 اکتوبر کو کیا جائے گا۔

آگ لگنے کی وجوہات سامنے نہیں آئیں اور اس کا پتہ لگانے کے لیے تحقیقات کا آغاز کردیا گیا ہے۔ گزشتہ سال اس فیسٹیول میں 40 فلموں نے حصہ لیا تھا اور اس کا مقصد مصر میں سیاحت کو فروغ دینا ہے۔

Watch: A massive fire has broken out in the main hall of the El Gouna Film Festival site in Egypt, one day ahead of the opening ceremony, according to local media reports. #GFF https://t.co/13Z78ZM5ik pic.twitter.com/J1HYCjLSj8

— Al Arabiya English (@AlArabiya_Eng) October 13, 2021