لاہور میں کمسن بچے کو اغوا کرنے والی دو خواتین گرفتار

ویب ڈیسک  جمعرات 14 اکتوبر 2021
 پولیس نے ملزمہ سائرہ اور کرن کو گرفتار کر کے شمعون کو بازیاب کروایا لیا۔ فوٹو:ایکسپریس

پولیس نے ملزمہ سائرہ اور کرن کو گرفتار کر کے شمعون کو بازیاب کروایا لیا۔ فوٹو:ایکسپریس

لاہور: غالب مارکیٹ کے علاقے میں کمسن بچے کو اغوا کرنے والی دو خواتین کو گرفتار کرلیا گیا۔ 

ایکسپریس نیوز کے مطابق لاہور کے علاقے غالب مارکیٹ کے قریب کمسن بچے کو اغوا کرنے والی دو خواتین کو پولیس نے سی سی ٹی وی فوٹیج کی مدد سے گرفتار کرلیا،سی سی ٹی وی فوٹیج میں خواتین کو بچہ ساتھ لے جاتے ہوئے دیکھا جا سکتا ہے۔

پولیس کے مطابق ملزمہ سائرہ اور کرن نے کمسن شمعون کو گزشتہ رات غالب مارکیٹ کے علاقے سے اغوا کیا، دونوں خواتین نے کمسن بچے کو ورغلایا اور اپنے ساتھ لے گئیں، اطلاع ملنے پر پولیس نے ملزمہ سائرہ اور کرن کو گرفتار کر کے شمعون کو بازیاب کروایا لیا، اور بچے کو باحفاظت والدین کے حوالے کردیا۔  ملزمہ سائرہ اور کرن سے تفتیش جاری ہے، تفتیش میں اغوا کہ وجوہات کا تعین کیا جا سکے گا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔