بعض لوگ حساس اداروں کو متنازع بنارہے ہیں، شیخ رشید

ویب ڈیسک  ہفتہ 16 اکتوبر 2021
کوئی حکمران نہیں چاہتا کہ ملک میں مہنگائی ہو، شیخ رشید فوٹو: فائل

کوئی حکمران نہیں چاہتا کہ ملک میں مہنگائی ہو، شیخ رشید فوٹو: فائل

 اسلام آباد: وفاقی وزیر داخلہ شیخ رشید احمد کا کہنا ہے کہ بعض لوگ حساس اداروں کو متنازع بنارہے ہیں۔

اسلام آباد میں میڈیا سے گفتگو کے دوران شیخ رشید احمد نے کہا کہ کوئی حکمران نہیں چاہتا کہ ملک میں مہنگائی ہو، دنیا میں تیل کی قیمتوں میں اضافہ ہواہے۔ بعض لوگ حساس اداروں کو متنازع بنارہے ہیں، ملکی ماحول ٹھیک ہے اور ساری چیزیں طے ہوچکی ہیں، اگلے جمعے تک سارے مسئلے ٹھیک ہوجائیں گے، ہمارے بدخواہ ناکام ہوں گے۔

شیخ رشید نے کہا کہ وزیراعظم کی ہدایت ہےکہ عید میلادالنبی ﷺ شایان شان اندازمیں منایا جائے، ڈی چوک پر جشن عید میلادالنبی ﷺ منایا جائے گا، وزیراعظم کنونشن سینٹرمیں محفل میلادﷺ سے خطاب کریں گے۔

وزیر داخلہ نے کہا کہ افغانستان میں امن خطے کے امن سے مشروط ہے، افغانستان میں امن چاہتے ہیں، افغانستان کے استحکام کے لیے ہم کوشش کررہے ہیں ، دنیا ان کی مدد کرے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔