کراچی کے مرکز صدر میں پٹاخوں کے گودام میں آتشزدگی

ویب ڈیسک  اتوار 17 اکتوبر 2021
آگ بس اڈے سے متصل پٹاخوں کے گودام میں لگی، فائر بریگیڈ حکام۔ فوٹو:فائل

آگ بس اڈے سے متصل پٹاخوں کے گودام میں لگی، فائر بریگیڈ حکام۔ فوٹو:فائل

کراچی: صدر ایمپریس مارکیٹ کے قریب گودام میں آگ لگ گئی۔ 

ایکسپریس نیوز کے مطابق کراچی کی مصروف ترین مارکیٹ ایمپریس مارکیٹ صدر کے قریب واقع ایک گودام میں آگ لگ گئی، آگ اس قدر شدید تھی کہ قریبی علاقوں میں خوف و ہراس پھیل گیا، اور فائر بریگیڈ کی گاڑیاں آگ بجھانے جائے حادثہ پر پہنچ گئیں۔

فائر بریگیڈ حکام نے  بتایا کہ آگ بس اڈے سے متصل پٹاخوں کے گودام میں لگی، جس کے باعث وقتاً فوقتاً چھوٹے چھوٹے دھماکے ہوتے رہے جس سے قریبی عمارتوں کے رہائشی خوفزدہ ہوگئے، فائر بریگیڈ کا عملہ آگ پر فوری قابو پانے کی کوشش کررہا ہے، آتشزدگی سے اب تک گاڑی اور ٹرک کو نقصان پہنچا ہے، تاہم اتوار کے روز مارکیٹ بند ہونے کی وجہ سے رش کم تھا اور ابھی تک کسی جانی نقصان کی اطلاع نہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔