ٹی ٹوئنٹی ورلڈ کپ؛ عمان نے پاپوانیوگنی کو 10 وکٹوں سے ہرا دیا

عمان: ٹی ٹوئنٹی ورلڈ کپ کے پہلے میچ میں عمان نے پاپوانیوگنی کو 10 وکٹوں سے شکست دے دی ہے۔

عمان کے الامارات کرکٹ اسٹیڈیم میں کھیلے گئے ٹی ٹوئنٹی ورلڈ کپ کے افتتاحی میچ میں میزبان ٹیم عمان نے ٹاس جیت کر مہمان ٹیم پاپوانیوگنی کو پہلے بیٹنگ کی دعوت دی۔ پاپوانیوگنی نے مقررہ 20 اوورز میں 9 وکٹوں کے نقصان پر عمان کو جیت کے لیے 130 رنز کا ہدف دیا۔

عمان نے جارحانہ بیٹگ کرتے ہوئے بغیر وکٹ کے نقصان پر 13 اعشاریہ 4 اوورز میں ہدف کو حاصل کرلیا۔ عمان کی طرف سے جاتیندر سنگھ 73 اور عاقب الیاس 50 رنز بنا کر ناٹ آوٹ رہے۔

میزبان ٹیم کے ذیشان مقصود کو ’مین آف دی میچ‘ قرار دیا گیا ہے۔ انہوں نے 4 اوورز میں 20 رنز دے کر 4 وکٹیں حاصل کیں۔

Oman get their #T20WorldCup 2021 campaign off to a flyer 🔥

They come out 🔝 against Papua New Guinea with 10 wickets in hand.#T20WorldCup | #OMNvPNG | https://t.co/dYPcIueHIP pic.twitter.com/z2qliBaXHQ

— T20 World Cup (@T20WorldCup) October 17, 2021

خیال رہے کہ ٹی ٹوئنٹی ورلڈ کپ کوالیفائنگ راؤنڈ کا آغاز ہوگیا ہے۔ راؤنڈ کے پہلے میچ میں عمان نے پاپوانیوگنی کو 10 وکٹوں سے شکست دی۔ پہلے مرحلے میں 6 کوالیفائرز اور رینکنگ پر موجود نویں اور دسویں نمبر کی ٹیمیں بنگلا دیش اور سری لنکا شریک ہوں گی۔

17 سے 22 اکتوبر تک جاری رہنے والے اس مرحلے سے 4 ٹیمیں دیگر ٹاپ 8 ٹیموں کو سپر 12 میں جوائن کریں گی اور سپر 12 معرکہ 23 اکتوبر سے شروع ہوگا۔ کوالیفائنگ راؤنڈ میں آج کے دوسرے میچ میں بنگلا دیش کا مقابلہ اسکاٹ لینڈ سے ہوگا۔