ٹی ٹوئنٹی ورلڈ کپ؛ آئرلینڈ نے نیدرلینڈز کو 7 وکٹ سے شکست دے دی

ویب ڈیسک  پير 18 اکتوبر 2021
نیدرلینڈز کیخلاف آئرش باؤلر کیمفر نے چار گیندوں پر چار وکٹ لیں فوٹو:آئی سی سی

نیدرلینڈز کیخلاف آئرش باؤلر کیمفر نے چار گیندوں پر چار وکٹ لیں فوٹو:آئی سی سی

ابو ظہبی: متحدہ عرب امارات میں آئی سی سی ٹی ٹوئنٹی ورلڈ کپ کے تیسرے میچ میں آئرلینڈ نے نیدرلینڈز کو 7 وکٹ سے شکست دے دی۔

ٹی 20 ورلڈ کپ کے ابتدائی راؤنڈ میں دوسرے دن آئرلینڈ اور نیدرلینڈز کی ٹیمیں مدمقابل ہوئیں۔ ابوظہبی میں کھیلے جانے والے اس میچ میں نیدرلینڈز نے ٹاس جیت کر پہلے بیٹنگ کا فیصلہ کیا اور 8 وکٹ کے نقصان پر مقررہ 20 اوورز میں 106 رنز بنائے۔ نیدرلینڈز نے آئرلینڈ کو 107 رنز کا ہدف دیا جسے آئرلینڈ نے باآسانی 3 وکٹ کے نقصان پر حاصل کرلیا۔

آئرلینڈ کے باؤلر کرٹس کیمفر اپنے ملک کی طرف سے ٹی 20 کرکٹ میں ہیٹ ٹرک کرنے والے پہلے باؤلر بن گئے۔ کیمفر نے چار گیندوں پر نیدرلینڈ کے چار کھلاڑیوں کو آؤٹ کیا۔ یہ اس ٹورنامنٹ کی پہلی ہیٹ ٹرک بھی ہے۔

یہ بھی پڑھیں: ٹی ٹوئنٹی ورلڈ کپ؛ اسکاٹ لینڈ نے بنگلادیش کو 6 رنز سے شکست دے دی

گزشتہ روز ٹی ٹوئنٹی ورلڈ کپ کے پہلے میچ میں عمان نے پاپوانیوگنی کو 10 وکٹوں سے شکست دے دی تھی جب کہ دوسرے میچ میں اسکاٹ لینڈ نے بنگلا دیش کو 6 رنز سے ہرا دیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔