طالبان کا افغانستان میں عید میلاد النبیﷺ پر عام تعطیل کا اعلان

کابل: امارت اسلامیہ افغانستان نے ملک بھر میں 12 ربیع الاول کو عام تعطیل کا اعلان کردیا۔

افغان میڈیا کے مطابق طالبان حکومت نے افغانستان میں 12 ربیع الاول کو عام تعطیل کا اعلان کیا ہے۔ اس حوالے سے وزارتِ محنت اور سماجی امور کی جانب سے نوٹیفکیشن بھی جاری کردیا گیا ہے۔

نوٹیفکیشن میں کہا گیا ہے کہ 12 ربیع الاول کو عید میلاد النبی صلی اللی علیہ وآلہ وسلم کے موقع پر تمام تعلیمی ادارے، کاروباری مراکز اور سرکاری و نجی دفاتر بند رہیں گے۔

سماجی رابطے کی ویب سائٹ پر جاری ہونے والے اس نوٹیفکیشن پر صارفین نے مسرت کا اظہار کیا اور اسے حکومت کا احسن اقدام قرار دیا ہے۔ طالبان کے روایت کے برعکس اقدامات کو بڑے پیمانے پر سراہا جا رہا ہے۔

فردا سه شنبه رخصتی عمومی است
وزارت کار واموراجتماعی با نشر اطلاعيه يي خبر داده است که روز سه شنبه مؤرخ ۲۷ میزان سال ۱۴۰۰ هجری شمسی، برابر با دوازدهم ربیع الاول سال ۱۴۴۳ هجری قمری؛ روز میلادالنبی صلی الله علیه و سلم بوده، به اساس مادۀ (۴۱) قانون کار، در سراسر کشور رخصتی عمومی است. pic.twitter.com/kh7o0ow2eN

— Bakhtar News Agency (@BakhtarNA) October 18, 2021

واضح رہے کہ افغانستان میں طالبان کی حکومت قائم ہونے کے بعد پہلی بار کسی عام تعطیل کا اعلان کیا گیا ہے۔