انوشکا شرما نے وامیکا اور ویرات کوہلی کی نئی تصویر شیئر کرا دی

دبئی: بھارتی سپر اسٹار انوشکا شرما نے اپنے شوہر ویرات کوہلی اور بیٹی وامیکا کی نئی تصویر اپنے سوشل میڈیا اکاؤنٹس پر شیئر کرا دی ہے جسے ان کے مداحوں نے بہت پسند کیا ہے۔

کرکٹر ویرات کوہلی ان دنوں ٹی 20 ورلڈ کپ میں بھارتی ٹیم کی کپتانی کررہے ہیں اور دبئی میں مقیم ہیں جبکہ انوشکا شرما چند روز پہلے ہی اپنی بیٹی کے ساتھ دبئی پہنچی ہیں۔

یہ تصویر انہوں نے گزشتہ روز اپنے انسٹاگرام اکاؤنٹ پر شیئر کراتے ہوئے اس پر ’میرا پورا دل ایک تصویر میں‘ کا کیپشن لگایا:

View this post on Instagram

A post shared by AnushkaSharma1588 (@anushkasharma)

انوشکا شرما کے ساتھ کئی فلموں میں اداکاری کے جوہر دکھانے والے رنبیر سنگھ نے بھی دلچسپ انداز میں اس پوسٹ پر فوراً ہی ایک لمبا ’’ہائے ے ے ‘‘ لکھ کر تبصرہ کردیا۔

کچھ دیر بعد یہی تصویر ویرات کوہلی کے ایک مداح نے بھی ٹویٹ کرا دی:

https://twitter.com/Viratian_182003/status/1450057122801065988

پوسٹ میں اپنی بیٹی کا چہرہ نہ دکھانے کے بارے میں انوشکا اور ویرات پہلے ہی واضح کرچکے ہیں کہ وہ اپنی بیٹی کو سوشل میڈیا سے تب تک دور رکھیں گے کہ جب تک وہ یہ سمجھنے کے قابل نہیں ہوجاتی کہ سوشل میڈیا کیا ہے اور اسے کیسے استعمال کرنا چاہیے۔