مہنگائی سے نجات کے لئے عمران خان کو اقتدار سے نکالنا ہوگا، بلاول بھٹو زرداری

ویب ڈیسک  جمعرات 21 اکتوبر 2021
عمران خان کی غلط حکمت عملیوں سے ملک معاشی تباہی کے دہانے پر پہنچ گیا، بلاول بھٹو زرداری فوٹو: فائل

عمران خان کی غلط حکمت عملیوں سے ملک معاشی تباہی کے دہانے پر پہنچ گیا، بلاول بھٹو زرداری فوٹو: فائل

 پشاور: پاکستان پیپلز پارٹی کے چیئرمین بلاول بھٹو زرداری نے کہا ہے کہ مہنگائی سے نجات کے لئے عمران خان کو اقتدار سے باہر پھینکنا ہوگا۔

چارسدہ میں مہنگائی کے خلاف عوامی مظاہرے پر پیپلز پارٹی کے کارکنوں کو شاباش دیتے ہوئے بلاول بھٹو زرداری نے کہا کہ ملک بھر میں مہنگائی کے خلاف پاکستان پیپلزپارٹی کے مسلسل مظاہروں میں عوام کی تاریخی شرکت سلیکٹڈ حکومت کے خلاف چارج شیٹ ہے، جیالے ملک بھر میں مہنگائی کے خلاف احتجاجی مظاہروں کا تسلسل جاری رکھیں۔

چیئرمین پیپلز پارٹی کا کہنا تھا کہ عمران خان نے 3 سال میں پاکستان کو دنیا کا چوتھا مہنگا ترین ملک بنادیا، عمران خان کی غلط حکمت عملی کی وجہ سے آج ملک معاشی تباہی کے دہانے پر پہنچ گیا۔ مہنگائی کا شکار آج ہر پاکستانی جان چکا ہے کہ عمران خان ایک نااہل حکمران ہے، مہنگائی سے نجات کے لئے عمران خان کو اقتدار سے باہر پھینکنا ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔