کھرخاندان کی اراضی حنا ربانی کی سوتیلی والدہ کے نام کرنے کا فیصلہ

ویب ڈیسک  جمعـء 22 اکتوبر 2021
نورربانی کھر کئی سال سے ہماری 15 مربع اراضی پرقابض تھے ، سابق اہلیہ زیب الہی

نورربانی کھر کئی سال سے ہماری 15 مربع اراضی پرقابض تھے ، سابق اہلیہ زیب الہی

مظفرگڑھ میں مقامی عدالت نے طاقتور سیاسی کھر خاندان کے زیرقبضہ 15 مربع اراضی حنا ربانی کھر کی سوتیلی والدہ کے نام ڈگری کردی۔

محترمہ زیب الہی نے کہا کہ سابق وزیرخارجہ حنا ربانی کھر، والد نورربانی کھر اوردیگر افراد کئی سال سے ہماری 15 مربع اراضی پرقابض تھے ، سول جج کی عدالت میں 14 سال مقدمہ لڑ کر اللہ نے مجھے اور میرے بچوں کو سرخرو کیا۔

نورربانی کھر کی سابق اہلیہ نے بتایا کہ ملک نور ربانی کھر نے اینٹی کرپشن کی انکوائری بھی التوا کا شکار کروادی تھی، انہوں نے اپنی سگی اولاد کو انکے حق سے محروم کیا ہوا تھا اور کھرخاندان نے عرصہ دراز سے قبضہ کرکے زمین جعلی انتقالات کے ذریعے اپنے نام کروائی ہوئی تھی، اب عدالتی فیصلے کے بعد ملک نور ربانی کھر اپنی حقیقی اولاد بیٹے اور بیٹی کا حق انہیں دے دیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔