میرا اختیار نہیں ورنہ پاکستان کی جیت پر آج چھٹی کا اعلان کر دیتا، شیخ رشید

ویب ڈیسک  پير 25 اکتوبر 2021
پاکستان اور بھارت کے درمیان مقابلہ کرکٹ میچ نہیں بلکہ یہ کرکٹ پلس تھا،شیخ رشید فوٹو: فائل

پاکستان اور بھارت کے درمیان مقابلہ کرکٹ میچ نہیں بلکہ یہ کرکٹ پلس تھا،شیخ رشید فوٹو: فائل

 اسلام آباد: وفاقی وزیر داخلہ شیخ رشید نے بھارت کے خلاف ٹی 20 ورلڈ کپ میں پاکستان کی فتح پر کہنا ہے کہ میرا اختیار نہیں ورنہ آج ملک میں چھٹی کا اعلان کر دیتا۔

اسلام آباد میں میڈیا سے بات کرتے ہوئے شیخ رشید نے کہا کہ پاکستان اور بھارت کے درمیان مقابلہ کرکٹ میچ نہیں بلکہ یہ کرکٹ پلس تھا، میرا ورلڈ کپ کل ہی ہو گیا ہے اور پاکستان نے ورلڈ کپ جیت لیا ہے۔ مجھے عام تعطیل کے اعلان کا اختیار نہپیں ورنہ آج کا دن ملک بھر میں عام چھٹی کا اعلان کردیتا۔

شیخ رشید پاک بھارت میچ براہ راست اسٹیڈیم میں دیکھنے کے لیے دبئی گئے تھے تاہم لاہور میں کالعدم تنظیم کے احتجاج کے باعث انہیں میچ دیکھے بغیر ہی واپس آنا پڑا۔

اس حوالے سے گزشتہ روز شیخ رشید نے کہا تھا کہ میں اپنی جیب سے ٹکٹ لے کر گیا تھا ، شیخ کا ٹکٹ ضائع ہوگیا، یہ معمولی بات نہیں ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔