وزیرتوانائی کا ڈیزل کی طلب اور پیٹرول و بجلی کی کھپت میں اضافے کا دعویٰ

 اسلام آباد: وفاقی وزیر توانائی حماد اظہر کا کہنا ہے کہ رواں مالی سال کی پہلی سہہ ماہی میں بجلی، پیٹرول کی کھپت اور ڈیزل کی طلب میں غیرمعمولی اضافہ ہوا ہے۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر توانائی حماد اظہر نے دعویٰ کیا کہ رواں مالی سال کے پہلی سہہ ماہی میں ہائی اسپیڈ ڈیزل کی طلب میں 26 فیصد اضافہ ہوا، اور اسی دوران پیٹرول کی کھپت میں 14 فیصد اور بجلی کی کھپت میں 13 فیصد اضافہ ہوا۔

رواں مالی سال کی پہلی سہ ماہی کے دوران ملک میں ڈیزل کی طلب میں 26فیصد اضافہ ہوا اور اس دوران ملک میں پیٹرول کی کھپت میں 14 فیصد اضافہ ریکارڈ کیا گیا۔ بجلی کی کھپت میں بھی 13 فیصد تک اضافہ ہوا ہے۔یہ تمام اشاریے گزشتہ سال کی بنسبت مزید بڑھتی ہوی اقتصادی سرگرمیاں ظاہر کرتے ہیں۔

— Hammad Azhar (@Hammad_Azhar) October 28, 2021

حماد اظہر کا کہنا تھا کہ مضبوط اقتصادی ترقی کے تمام اشاریے گزشتہ سال سے زائد ہیں، جو گزشتہ سال کی نسبت مزید بڑھتی ہوئی اقتصادی سرگرمیاں ظاہر کرتے ہیں۔