بھارتی کھلاڑی دنیش کارتک کے ہاں جڑواں بچوں کی پیدائش

ویب ڈیسک  جمعرات 28 اکتوبر 2021
بچوں کے نام ’کبیر پالیکل کارتک اور زین پالیکل کارتک رکھے ہیں، دنیش کارتک کی ٹوئٹ

بچوں کے نام ’کبیر پالیکل کارتک اور زین پالیکل کارتک رکھے ہیں، دنیش کارتک کی ٹوئٹ

بھارتی کھلاڑی دنیش کارتک کے ہاں جڑواں بچوں کے پیدائش ہوئی ہے۔

بھارتی کرکٹ ٹیم کے وکٹ کیپر بلےباز دنیش کارتک نے سماجی رابطے کی ویب سائٹس پر اپنی بیوی اور بچوں کے ہمراہ تصویر شیئر کرتے ہوئے لکھا ’’ہم اب 3 سے 5 بن گئے ہیں‘‘۔

دنیش کارتک کے ہمراہ تصویر میں ان کا پالتو کتا بھی موجود ہے جب کہ ایک بچے کو انہوں نے خود گود میں اٹھارکھا ہے اور ایک بیٹا ان کی بیوی کے پاس موجود ہے۔ ٹوئٹ میں انہوں نے بتایا کہ ہم نے بچوں کے نام ’کبیر پالیکل کارتک اور زین پالیکل کارتک رکھے ہیں۔

واضح ہے بھارتی کھلاڑی دنیش کارتک اور دیپیکا پالیکل کی شادی 2015 میں ہوئی تھی جب کہ ان کی بیوی بھی اسکواش کی کھلاڑی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔