شیاؤمی کمپنی کا پاکستان میں موبائل فون تیار کرنے کا فیصلہ

ابتدائی طور پر اڑھائی سے تین ملین موبائل فون سالانہ پاکستان میں تیار کیے جائیں گے، رزاق داؤد

ویب ڈیسک منگل 2 نومبر 2021

ابتدائی طور پر اڑھائی سے تین ملین موبائل فون سالانہ پاکستان میں تیار کیے جائیں گے، رزاق داؤد۔(فوٹو: انٹرنیٹ)

کراچی: موبائل فون بنانے والی شیاؤمی ائیرلنک نے پاکستان میں موبائل فون مینوفیکچرنگ شروع کرنے کا فیصلہ کرلیا۔

وزیر اعظم کے مشیر برائے تجارت عبدالرزاق داؤد کی ٹوئٹ کے مطابق میک ان پاکستان پالیسی کے مثبت نتائج آنا شروع ہوگئے۔ اسمارٹ فون بنانے والی دنیا کی دوسری بڑی کمپنی شیاؤمی ائیرلنک کمیونی کیشن کے اشتراک سے پاکستان میں اپنے موبائل فون بنائے گی۔

The MoC's "Make- in- Pakistan" 🇵🇰 policy continues to show positive results, We have been informed that Xiaomi ( World's 2nd largest mobile manufacturer) has partnered with Airlink Communications to manufacture smartphones in Pakistan.

— Abdul Razak Dawood (@razak_dawood) November 2, 2021

رزاق داؤد کے مطابق ابتدائی طور پر اڑھائی سے تین ملین موبائل فون سالانہ پاکستان میں تیار کیے جائیں گے، پیداواری سہولت قائد اعظم انڈسٹریل اسٹیٹ لاہور میں دی جائے گی جو کہ جنوری 2022 میں فنکشنل ہوجائے گا، جس سے 3 ہزار افراد کے لیے روزگار کے مواقع پیدا ہوں گے۔