سونے کے نرخ میں کمی

اسٹاف رپورٹر  جمعـء 12 نومبر 2021
فی تولہ سونے کی قیمت گھٹ کر ایک لاکھ 28 ہزار 650 روپے ہوگئی ۔ (فوٹو: فائل)

فی تولہ سونے کی قیمت گھٹ کر ایک لاکھ 28 ہزار 650 روپے ہوگئی ۔ (فوٹو: فائل)

 کراچی: ایک روز قبل سونے کی قیمت میں بڑے اضافے کے بعد آج سونے کے نرخ میں کمی آئی ہے۔

بین الاقوامی بلین مارکیٹ میں فی اونس سونے کی قیمت 14 ڈالر کی کمی سے 1849 ڈالر کی سطح پر پہنچنے کے باعث مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب 450 روپے اور 385 روپے کی کمی واقع ہوئی۔

نتیجے میں ملک کے مختلف شہروں میں فی تولہ سونے کی قیمت گھٹ کر ایک لاکھ 28 ہزار 650 روپے اور فی 10 گرام سونے کی قیمت گھٹ کر ایک لاکھ 10 ہزار 297 روپے ہوگئی۔

دریں اثنا فی تولہ چاندی کی قیمت بغیر کسی تبدیلی کے 1480 روپے اور 10 گرام چاندی کی قیمت بھی 1268.86روپے پر مستحکم رہی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔