- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
کینسر کا مفت علاج؛ سندھ میں پاکستان کا پہلا پروٹان تھراپی یونٹ بنانے کا فیصلہ
کراچی: کینسر کے مفت علاج کے لئے سندھ میں پاکستان کا پہلا پروٹان تھراپی یونٹ بنانے کا فیصلہ کیا گیا ہے۔
چیف سیکریٹری سندھ سید ممتاز علی شاہ کی زیر صدارت گمبٹ میں کینسر کے مفت علاج کے لیے پروٹان تھراپی یونٹ قائم کرنے کے حوالے سے اہم اجلاس سندھ سیکریٹریٹ میں منعقد ہوا۔
اجلاس میں پروٹان تھراپی طریقہ علاج پر بریفنگ دی گئی۔ اس موقع پر پیر عبدالقادر شاہ جیلانی انسٹی ٹیوٹ آف میڈیکل سائنسز گمبٹ کے سربراہ ڈاکٹر رحیم بخش، لاڑکانہ انسٹی ٹیوٹ آف نیوکلیئر میڈیسن اینڈ ریڈیو تھراپی کے سربراہ ڈاکٹر عبدالصمد، نمرا جامشورو کے ڈاکٹر شاہد اقبال، اسپیشل سیکریٹری نور محمد شاہ اور دیگر بھی موجود تھے۔
اجلاس میں چیف سیکریٹری سندھ کو پروٹان تھراپی طریقہ علاج پر آگاہی دیتے ہوئے بتایا گیا کہ مذکورہ ٹیکنالوجی حاصل ہونے سے پاکستان ایشیا میں اس طرح کا علاج دینے والا پہلا ملک بن جائے گا جبکہ ملیشیا بھی یہ پروٹان تھراپی ٹیکنالوجی کے حصول کے لیے کوشاں ہے۔
اجلاس کو مزید بتایا گیا کہ پروٹان تھراپی علاج میں مریض کا آپریشن کیے بغیر وائیٹل آرگن (جگر، پھیپھڑوں، گردے وغیرہ) کا علاج ممکن ہوسکے گا جبکہ مریض کی جلد صحت یابی بھی یقینی ہوسکے گی۔
اجلاس میں یہ بھی بتایا گیا کہ گمبٹ میں پروٹان تھراپی کی سہولت حاصل ہونے کے بعد روزانہ کی بنیاد پر 50 مریضوں کا علاج ہو سکے گا جبکہ آنے والے دنوں میں اس تعداد کو مزید بڑھایا بھی جاسکے گا۔
اجلاس کو آگاہی دی گئی کہ اس وقت دنیا کے مختلف ملکوں میں اس طرح کی 89 پروٹان تھراپی مشینوں سے ڈیڑھ لاکھ مریضوں کا اعلاج کیا جا چکا ہے، پروٹان تھراپی سے مریض کے ٹشوز کو نقصان پہنچائے بغیر کینسر کے اثرات کو ختم کیا جاتا ہے، اس طرح سے مریض کے روایتی علاج میں آنے والے اخراجات کو بھی کم کیا جا سکے گا۔
اجلاس کو بریفنگ دی گئی کہ اس منصوبے پر ایک ہزار ملین کے قریب لاگت آئے گی جبکہ اس ضمن میں محکمہ صحت سندھ کی سفارش پر سمری وزیر اعلیٰ سندھ سید مراد علی شاہ کو بھیج دی گئی ہے۔
چیف سیکریٹری سندھ نے کہا کہ گمبٹ میں کینسر کے مفت علاج کے لیے پروٹان تھراپی یونٹ قائم ہونے سے بہت سے لوگوں کو بہترین علاج فراہم ہوگا۔
اجلاس میں یہ بات بھی زیر غور آئی کہ ملک کے دیگر صوبوں کے مقابلے میں سندھ میں کینسر کے علاج کے لیے سائبر نائف اور گاما نائف جیسی سہولیات بھی موجود ہیں۔
بتایا گیا کہ گمبٹ میں جگر کی پیوند کاری کے 500 کامیاب آپریشن کیے جا چکے ہیں جبکہ گردے کے ٹرانسپلانٹیشن کے 150 آپریشنز ہوئے ہیں، علاوہ ازیں اب تک کارنیا سرجری کے 150 آپریشن کیے گئے ہیں۔
اجلاس کو بتایا گیا کہ گمبٹ انسٹی ٹیوٹ میں قائم پاکستان کے سب سے بڑے بون میرو ٹرانسپلانٹیشن سینٹر میں 10 مریض علاج کے بعد صحت مند زندگی گزار رہے ہیں۔ چیف سیکریٹری سندھ نے پروٹان تھراپی اس منصوبے کو جلد از جلد مکمل کرنے ہدایت دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔